엥케이리디온

존재하는 것들 가운데 어떤 것은 우리에게 달려 있고, 어떤 것은 우리에게 달려 있지 않다. 판단, 충동, 욕구, 회피, 한마디로 우리 자신의 행위에 속하는 것들은 우리에게 달려 있다. 몸, 재산, 평판, 공직, 한마디로 우리 자신의 행위에 속하지 않는 것들은 우리에게 달려 있지 않다.

τῶν ὄντων τὰ μέν ἐστιν ἐφʼ ἡμῖν, τὰ δὲ οὐκ ἐφʼ ἡμῖν. ἐφʼ ἡμῖν μὲν ὑπόληψις, ὁρμή, ὄρεξις, ἔκκλισις καὶ ἑνὶ λόγῳ ὅσα ἡμέτερα ἔργα· οὐκ ἐφʼ ἡμῖν δὲ τὸ σῶμα, ἡ κτῆσις, δόξαι, ἀρχαὶ καὶ ἑνὶ λόγῳ ὅσα οὐχ ἡμέτερα ἔργα.

우리에게 달려 있는 것들은 본성상 자유롭고, 가로막히거나 방해받지 않는다. 우리에게 달려 있지 않은 것들은 약하고, 예속되어 있으며, 가로막힐 수 있고, 우리 소유가 아니다.

καὶ τὰ μὲν ἐφʼ ἡμῖν ἐστι φύσει ἐλεύθερα, ἀκώλυτα, ἀπαραπόδιστα, τὰ δὲ οὐκ ἐφʼ ἡμῖν ἀσθενῆ, δοῦλα, κωλυτά, ἀλλότρια.

그러므로 기억하라. 본성상 예속된 것을 자유롭다고 여기고, 남의 것을 네 것이라고 여기면, 너는 방해받고 슬퍼하고 괴로워하며 신들과 사람들을 탓할 것이다. 그러나 네 것만 네 것이라고 여기고, 남의 것은 실제로 그러하듯 남의 것이라고 여기면, 아무도 결코 너를 강요하거나 가로막지 못한다. 너는 누구도 탓하거나 비난하지 않으며, 원하지 않는 일은 하나도 하지 않을 것이다. 아무도 너를 해치지 못하고, 너에게는 적도 없을 것이다. 해로운 일을 겪지 않을 것이기 때문이다.

μέμνησο οὖν, ὅτι, ἐὰν τὰ φύσει δοῦλα ἐλεύθερα οἰηθῇς καὶ τὰ ἀλλότρια ἴδια, ἐμποδισθήσῃ, πενθήσεις, ταραχθήσῃ, μέμψῃ καὶ θεοὺς καὶ ἀνθρώπους, ἐὰν δὲ τὸ σὸν μόνον οἰηθῇς σὸν εἶναι, τὸ δὲ ἀλλότριον, ὥσπερ ἐστίν, ἀλλότριον, οὐδείς σε ἀναγκάσει οὐδέποτε, οὐδείς σε κωλύσει, οὐ μέμψῃ οὐδένα, οὐκ ἐγκαλέσεις τινί, ἄκων πράξεις οὐδὲ ἕν, οὐδείς σε βλάψει, ἐχθρὸν οὐχ ἕξεις, οὐδὲ γὰρ βλαβερόν τι πείσῃ.

그러므로 이토록 큰 것을 추구한다면, 적당한 열의로 그것에 손대서는 안 된다는 것을 기억하라. 어떤 일은 완전히 버리고, 어떤 일은 당분간 미뤄 두어야 한다. 그런데 이것들도 원하면서 권력과 부까지 원한다면, 앞서 말한 것을 함께 추구하느라 권력과 부조차 얻지 못할 수 있다. 자유와 행복을 얻는 유일한 길인 앞의 것들을 놓칠 것은 분명하다.

τηλικούτων οὖν ἐφιέμενος μέμνησο, ὅτι οὐ δεῖ μετρίως κεκινημένον ἅπτεσθαι αὐτῶν, ἀλλὰ τὰ μὲν ἀφιέναι παντελῶς, τὰ δʼ ὑπερτίθεσθαι πρὸς τὸ παρόν. ἐὰν δὲ καὶ ταῦτʼ ἐθέλῃς καὶ ἄρχειν καὶ πλουτεῖν, τυχὸν μὲν οὐδʼ αὐτῶν τούτων τεύξῃ διὰ τὸ καὶ τῶν προτέρων ἐφίεσθαι, πάντως γε μὴν ἐκείνων ἀποτεύξη, διʼ ὧν μόνων ἐλευθερία καὶ εὐδαιμονία περιγίνεται.

그러므로 거친 인상이 떠오를 때마다 곧바로 이렇게 말하는 연습을 하라. “너는 하나의 인상이며, 네가 보이는 그대로의 실재는 아닐 수도 있다.” 그런 다음 네가 가진 기준으로 그 인상을 살펴보고 시험하라. 무엇보다 먼저, 그것이 우리에게 달려 있는 일에 관한 것인지, 그렇지 않은 일에 관한 것인지 확인하라. 우리에게 달려 있지 않은 일에 관한 것이라면, “이것은 나와 관계없다”는 말을 준비해 두라.

εὐθὺς οὖν πάσῃ φαντασίᾳ τραχείᾳ μελέτα ἐπιλέγειν ὅτι φαντασία εἶ καὶ οὐ πάντως τὸ φαινόμενον. ἔπειτα ἐξέταζε αὐτὴν καὶ δοκίμαζε τοῖς κανόσι τούτοις οἷς ἔχεις, πρώτῳ δὲ τούτῳ καὶ μάλιστα, πότερον περὶ τὰ ἐφʼ ἡμῖν ἐστιν ἢ περὶ τὰ οὐκ ἐφʼ ἡμῖν· κἂν περί τι τῶν οὐκ ἐφʼ ἡμῖν ᾖ, πρόχειρον ἔστω τὸ διότι οὐδὲν πρὸς ἐμέ

기억하라. 욕구가 약속하는 것은 원하는 것을 얻는 일이고, 회피가 약속하는 것은 피하는 일을 겪지 않는 것이다. 원하는 것을 얻지 못하는 사람은 실망하고, 피하던 일을 겪는 사람은 불행해진다. 그러므로 네게 달려 있는 것들 가운데 본성에 어긋나는 것만 피한다면, 피하려는 일을 하나도 겪지 않을 것이다. 그러나 질병이나 죽음이나 가난을 피하려 한다면 불행해질 것이다.

μέμνησο, ὅτι ὀρέξεως ἐπαγγελία ἐπιτυχία, οὗ ὀρέγῃ, ἐκκλίσεως ἐπαγγελία τὸ μὴ περιπεσεῖν ἐκείνῳ, ὃ ἐκκλίνεται, καὶ ὁ μὲν ἐν ὀρέξει ἀποτυγχάνων ἀτυχής, ὁ δὲ ἐν ἐκκλίσει περιπίπτων δυστυχής. ἂν μὲν οὖν μόνα ἐκκλίνῃς τὰ παρὰ φύσιν τῶν ἐπὶ σοί, οὐδενί, ὧν ἐκκλίνεις, περιπεσῇ· νόσον δʼ ἂν ἐκκλίνῃς ἢ θάνατον ἢ πενίαν, δυστυχήσεις.

그러므로 우리에게 달려 있지 않은 모든 것에서 회피하려는 마음을 거두고, 우리에게 달려 있는 것들 가운데 본성에 어긋나는 것에 그 마음을 돌려라. 욕구는 당분간 완전히 내려놓아라. 우리에게 달려 있지 않은 것을 원하면 반드시 실망하게 된다. 우리에게 달려 있는 것들 가운데 추구할 만한 좋은 것들은 아직 네 수중에 하나도 없다. 다만 행하려는 충동과 물러서려는 충동을 사용하되, 가볍게, 유보할 여지를 두고, 힘을 빼고 하라.

ἆρον οὖν τὴν ἔκκλισιν ἀπὸ πάντων τῶν οὐκ ἐφʼ ἡμῖν καὶ μετάθες ἐπὶ τὰ παρὰ φύσιν τῶν ἐφʼ ἡμῖν. τὴν ὄρεξιν δὲ παντελῶς ἐπὶ τοῦ παρόντος ἄνελε· ἄν τε γὰρ ὀρέγῃ τῶν οὐκ ἐφʼ ἡμῖν τινος, ἀτυχεῖν ἀνάγκη τῶν τε ἐφʼ ἡμῖν, ὅσων ὀρέγεσθαι καλὸν ἄν, οὐδὲν οὐδέπω σοι πάρεστι. μόνῳ δὲ τῷ ὁρμᾶν καὶ ἀφορμᾶν χρῶ, κούφως μέντοι καὶ μεθʼ ὑπεξαιρέσεως καὶ ἀνειμένως.

마음을 끌거나 쓸모가 있거나 사랑하는 것이 있을 때마다, 그것이 어떤 것인지 스스로에게 말하는 것을 기억하라. 아주 작은 것부터 시작하라. 항아리를 아낀다면 “나는 항아리를 아낀다”고 말하라. 그러면 그것이 깨져도 동요하지 않을 것이다. 네 아이나 아내에게 입 맞춘다면, 네가 입 맞추는 것은 사람임을 기억하라. 그러면 그 사람이 죽어도 동요하지 않을 것이다.

ἐφʼ ἑκάστου τῶν ψυχαγωγούντων ἢ χρείαν παρεχόντων ἢ στεργομένων μέμνησο ἐπιλέγειν, ὁποῖόν ἐστιν, ἀπὸ τῶν σμικροτάτων ἀρξάμενος· ἂν χύτραν στέργῃς, ὅτι χύτραν στέργω. κατεαγείσης γὰρ αὐτῆς οὐ ταραχθήσῃ· ἂν παιδίον σαυτοῦ καταφιλῇς ἢ γυναῖκα, ὅτι ἄνθρωπον καταφιλεῖς· ἀποθανόντος γὰρ οὐ ταραχθήσῃ.

어떤 일을 하려 할 때에는 그 일이 어떤 것인지 스스로에게 일깨워라. 목욕하러 간다면 목욕탕에서 일어나는 일들을 미리 떠올려라. 물을 튀기는 사람, 부딪치는 사람, 욕하는 사람, 물건을 훔치는 사람이 있다. 곧바로 “나는 목욕도 하고, 나의 선택 의지도 본성에 맞게 지키고 싶다”고 말하면, 더 든든하게 그 일을 시작할 것이다. 다른 모든 일에서도 이와 같이 하라. 그러면 목욕을 방해하는 일이 생겨도 이렇게 말할 준비가 되어 있을 것이다. “나는 목욕만 하려던 것이 아니다. 나의 선택 의지도 본성에 맞게 지키려 했다.” 일어나는 일에 분개하면 그것을 지키지 못할 것이다.

ὅταν ἅπτεσθαί τινος ἔργου μέλλῃς, ὑπομίμνῃσκε σεαυτόν, ὁποῖόν ἐστι τὸ ἔργον. ἐὰν λουσόμενος ἀπίῃς, πρόβαλλε σεαυτῷ τὰ γινόμενα ἐν βαλανείῳ, τοὺς ἀπορραίνοντας, τοὺς ἐγκρουομένους, τοὺς λοιδοροῦντας, τοὺς κλέπτοντας. καὶ οὕτως ἀσφαλέστερον ἅψῃ τοῦ ἔργου, ἐὰν ἐπιλέγῃς εὐθὺς ὅτι λούσασθαι θέλω καὶ τὴν ἐμαυτοῦ προαίρεσιν κατὰ φύσιν ἔχουσαν τηρῆσαι. καὶ ὡσαύτως ἐφʼ ἑκάστου ἔργου. οὕτω γὰρ ἄν τι πρὸς τὸ λούσασθαι γένηται ἐμποδών, πρόχειρον ἔσται διότι ἀλλʼ οὐ τοῦτο ἤθελον μόνον, ἀλλὰ καὶ τὴν ἐμαυτοῦ προαίρεσιν κατὰ φύσιν ἔχουσαν τηρῆσαι· οὐ τηρήσω δέ, ἐὰν ἀγανακτῶ πρὸς τὰ γινόμενα.

사람들을 괴롭히는 것은 사건 자체가 아니라 사건에 대한 판단이다. 가령 죽음은 두려운 것이 아니다. 두려운 것이었다면 소크라테스에게도 그렇게 보였을 것이다. 두려운 것은 죽음이 두렵다는 판단이다. 그러므로 가로막히거나 괴로워하거나 슬퍼할 때에는 다른 사람을 탓하지 말고, 우리 자신, 곧 우리 자신의 판단을 탓하자. 자신이 잘못되는 일을 남 탓으로 돌리는 것은 배우지 못한 사람의 일이다. 자기 탓으로 돌리는 것은 배우기 시작한 사람의 일이고, 남도 자신도 탓하지 않는 것은 배운 사람의 일이다.

ταράσσει τοὺς ἀνθρώπους οὐ τὰ πράγματα, ἀλλὰ τὰ περὶ τῶν πραγμάτων δόγματα· οἷον ὁ θάνατος οὐδὲν δεινόν (ἐπεὶ καὶ Σωκράτει ἂν ἐφαίνετο), ἀλλὰ τὸ δόγμα τὸ περὶ τοῦ θανάτου, διότι δεινόν, ἐκεῖνο τὸ δεινόν ἐστιν. ὅταν οὖν ἐμποδιζώμεθα ἢ ταρασσώμεθα ἢ λυπώμεθα, μηδέποτε ἄλλον αἰτιώμεθα, ἀλλʼ ἑαυτούς, τοῦτʼ ἔστι τὰ ἑαυτῶν δόγματα. ἀπαιδεύτου ἔργον τὸ ἄλλοις ἐγκαλεῖν, ἐφʼ οἷς αὐτὸς πράσσει κακῶς· ἠργμένου παιδεύεσθαι τὸ ἑαυτῷ· πεπαιδευμένου τὸ μήτε ἄλλῳ μήτε ἑαυτῷ.

남에게 속한 장점 때문에 우쭐해하지 마라. 말이 자랑하며 “나는 아름답다”고 한다면 참아 줄 만할 것이다. 그러나 네가 “나는 아름다운 말을 가졌다”고 자랑한다면, 말의 장점을 자랑하고 있다는 것을 알아라. 그렇다면 네 것은 무엇인가? 인상을 다루는 방식이다. 그러므로 인상을 본성에 맞게 다루게 되었을 때 자랑하라. 그때에는 네게 속한 좋은 것을 자랑하는 셈이기 때문이다.

ἐπὶ μηδενὶ ἐπαρθῇς ἀλλοτρίῳ προτερήματι. εἰ ὁ ἵππος ἐπαιρόμενος ἔλεγεν ὅτι καλός εἰμι, οἰστὸν ἂν ἦν· σὺ δέ, ὅταν λέγῃς ἐπαιρόμενος ὅτι ἵππον καλὸν ἔχω, ἴσθι, ὅτι ἐπὶ ἵππου ἀγαθῷ ἐπαίρῃ. τί οὖν ἐστι σόν; χρῆσις φαντασιῶν. ὥσθʼ, ὅταν ἐν χρήσει φαντασιῶν κατὰ φύσιν σχῇς, τηνικαῦτα ἐπάρθητι· τότε γὰρ ἐπὶ σῷ τινι ἀγαθῷ ἐπαρθήσῃ.

항해 중 배가 정박했을 때 물을 길으러 내리면, 가는 길에 조개나 작은 알뿌리를 주울 수도 있다. 그러나 마음은 배에 두고, 선장이 부르는지 계속 돌아보아야 한다. 선장이 부르면 그것들을 모두 놓아두어야 한다. 양처럼 묶인 채 배에 던져지는 일이 없도록 하려는 것이다. 삶도 이와 같다. 조개나 알뿌리 대신 아내와 아이가 주어진다면, 그것을 받아도 좋다. 그러나 선장이 부르면 그것들을 모두 놓아두고, 뒤돌아보지 말고 배로 달려가라. 나이가 들었다면 배에서 멀리 떨어지지 마라. 선장이 부를 때 뒤처지는 일이 없도록 하라.

καθάπερ ἐν πλῷ τοῦ πλοίου καθορμισθέντος εἰ ἐξέλθοις ὑδρεύσασθαι, ὁδοῦ μὲν πάρεργον καὶ κοχλίδιον ἀναλέξῃ καὶ βολβάριον, τετάσθαι δὲ δεῖ τὴν διάνοιαν ἐπὶ τὸ πλοῖον καὶ συνεχῶς ἐπιστρέφεσθαι, μή ποτε ὁ κυβερνήτης καλέσῃ, κἂν καλέσῃ, πάντα ἐκεῖνα ἀφιέναι, ἵνα μὴ δεδεμένος ἐμβληθῇς ὡς τὰ πρόβατα· οὕτω καὶ ἐν τῷ βίῳ, ἐὰν διδῶται ἀντὶ βολβαρίου καὶ κοχλιδίου γυναικάριον καὶ παιδίον, οὐδὲν κωλύσει· ἐὰν δὲ ὁ κυβερνήτης καλέσῃ, τρέχε ἐπὶ τὸ πλοῖον ἀφεὶς ἐκεῖνα ἅπαντα μηδὲ ἐπιστρεφόμενος. ἐὰν δὲ γέρων ᾖς, μηδὲ ἀπαλλαγῇς ποτε τοῦ πλοίου μακράν, μή ποτε καλοῦντος ἐλλίπῃς.

일어나는 일이 네가 원하는 대로 되기를 바라지 마라. 일어나는 일을 일어나는 그대로 원하라. 그러면 너의 삶이 순조로울 것이다.

μὴ ζήτει τὰ γινόμενα γίνεσθαι ὡς θέλεις, ἀλλὰ θέλε τὰ γινόμενα ὡς γίνεται καὶ εὐροήσεις.

병은 몸을 가로막지만 선택 의지는 가로막지 못한다. 선택 의지가 스스로 허용할 때만 그렇다. 다리를 저는 것은 다리의 장애이지 선택 의지의 장애가 아니다. 네게 닥치는 모든 일에 이 말을 적용하라. 그러면 그것이 다른 무엇을 가로막을 뿐, 너 자신을 가로막지는 않는다는 것을 알게 될 것이다.

νόσος σώματός ἐστιν ἐμπόδιον, προαιρέσεως δὲ οὔ, ἐὰν μὴ αὐτὴ θέλῃ. χώλανσις σκέλους ἐστὶν ἐμπόδιον, προαιρέσεως δὲ οὔ. καὶ τοῦτο ἐφʼ ἑκάστου τῶν ἐμπιπτόντων ἐπίλεγε· εὑρήσεις γὰρ αὐτὸ ἄλλου τινὸς ἐμπόδιον, σὸν δὲ οὔ.

무슨 일이 닥치든 자신을 돌아보며, 그것을 다루는 데 어떤 능력이 있는지 찾아보는 것을 기억하라. 아름다운 남자나 여자를 보거든 그에 대처할 능력으로 절제를 찾을 것이다. 고통이 닥치면 인내를, 모욕이 닥치면 참아 내는 힘을 찾을 것이다. 이렇게 습관을 들이면 인상들이 너를 휩쓸어 가지 못할 것이다.

ἐφʼ ἑκάστου τῶν προσπιπτόντων μέμνησο ἐπιστρέφων ἐπὶ σεαυτὸν ζητεῖν, τίνα δύναμιν ἔχεις πρὸς τὴν χρῆσιν αὐτοῦ. ἐὰν καλὸν ἴδῃς ἢ καλήν, εὑρήσεις δύναμιν πρὸς ταῦτα ἐγκράτειαν· ἐὰν πόνος προσφέρηται, εὑρήσεις καρτερίαν· ἂν λοιδορία, εὑρήσεις ἀνεξικακίαν. καὶ οὕτως ἐθιζόμενόν σε οὐ συναρπάσουσιν αἱ φαντασίαι.

어떤 것에 대해서도 “잃었다”고 말하지 말고 “돌려주었다”고 말하라. 아이가 죽었는가? 돌려준 것이다. 아내가 죽었는가? 돌려준 것이다. “땅을 빼앗겼다.” 그렇다면 그것도 돌려준 것이다. “하지만 빼앗은 자는 악하다.” 준 이가 누구를 통해 돌려달라고 했는지가 너와 무슨 관계인가? 네게 맡겨 두는 동안에는 남의 것을 돌보듯 돌보아라. 나그네가 여관을 이용하듯 하라.

μηδέποτε ἐπὶ μηδενὸς εἴπῃς ὅτι ἀπώλεσα αὐτό, ἀλλʼ ὅτι ἀπέδωκα. τὸ παιδίον ἀπέθανεν; ἀπεδόθη. ἡ γυνὴ ἀπέθανεν; ἀπεδόθη. τὸ χωρίον ἀφῃρέθην. οὐκοῦν καὶ τοῦτο ἀπεδόθη. ἀλλὰ κακὸς ὁ ἀφελόμενος. τί δὲ σοὶ μέλει, διὰ τίνος σε ὁ δοὺς ἀπῄτησε; μέχρι δʼ ἂν διδῷ, ὡς ἀλλοτρίου αὐτοῦ ἐπιμελοῦ, ὡς τοῦ πανδοχείου οἱ παριόντες.

나아지고 싶다면 이런 생각을 버려라. “내 일을 소홀히 하면 먹고살 것이 없을 것이다. 종을 벌하지 않으면 못된 사람이 될 것이다.” 걱정도 두려움도 없이 굶어 죽는 편이 풍족하게 살면서 괴로워하는 것보다 낫다. 종이 나쁜 사람이 되는 편이 네가 불행해지는 것보다 낫다.

εἰ προκόψαι θέλεις, ἄφες τοὺς τοιούτους ἐπιλογισμούς. ἐὰν ἀμελήσω τᾶν ἐμῶν, οὐχ ἕξω διατροφάς· ἐὰν μὴ κολάσω τὸν παῖδα, πονηρὸς ἔσται. κρεῖσσον γὰρ λιμῷ ἀποθανεῖν ἄλυπον καὶ ἄφοβον γενόμενον ἢ ζῆν ἐν ἀφθόνοις ταρασσόμενον. κρεῖττον δὲ τὸν παῖδα κακὸν εἶναι ἢ σὲ κακοδαίμονα.

그러니 작은 것부터 시작하라. 기름이 쏟아지거나 포도주가 도둑맞으면 이렇게 말하라. “흔들리지 않는 마음과 평정은 이 값을 치르고 사는 것이다.” 공짜로 얻는 것은 없다. 종을 부를 때에는 그가 듣지 못할 수도 있고, 듣고도 네가 원하는 일을 전혀 하지 않을 수도 있음을 생각하라. 그러나 네가 동요할지 말지를 결정할 권한까지 그에게 줄 만큼 그를 유리한 자리에 놓아서는 안 된다.

ἄρξαι τοιγαροῦν ἀπὸ τῶν σμικρῶν. ἐκχεῖται τὸ ἐλάδιον, κλέπτεται τὸ οἰνάριον· ἐπίλεγε ὅτι τοσούτου πωλεῖται ἀπάθεια, τοσούτου ἀταραξία· προῖκα δὲ οὐδὲν περιγίνεται. ὅταν δὲ καλῇς τὸν παῖδα, ἐνθυμοῦ, ὅτι δύναται μὴ ὑπακοῦσαι καὶ ὑπακούσας μηδὲν ποιῆσαι ὧν θέλεις· ἀλλʼ οὐχ οὕτως ἐστὶν αὐτῷ καλῶς, ἵνα ἐπʼ ἐκείνῳ ᾖ τὸ σὲ μὴ ταραχθῆναι.

나아지고 싶다면 외적인 일에 관해서는 어리석고 우둔해 보이는 것을 견뎌라. 무엇을 안다는 인상을 주려 하지 마라. 누군가에게 대단한 사람처럼 보이더라도 자신을 경계하라. 자신의 선택 의지를 본성에 맞게 지키면서 외적인 것들도 함께 지키기는 쉽지 않다는 것을 알아라. 둘 중 하나에 마음을 쓰면 다른 하나에는 반드시 소홀해진다.

εἰ προκόψαι θέλεις, ὑπόμεινον ἕνεκα τῶν ἐκτὸς ἀνόητος δόξας καὶ ἠλίθιος, μηδὲν βούλου δοκεῖν ἐπίστασθαι· κἂν δόξῃς τις εἶναί τισιν, ἀπίστει σεαυτῷ. ἴσθι γὰρ ὅτι οὐ ῥᾴδιον τὴν προαίρεσιν τὴν σεαυτοῦ κατὰ φύσιν ἔχουσαν φυλάξαι καὶ τὰ ἐκτός, ἀλλὰ τοῦ ἑτέρου ἐπιμελούμενον τοῦ ἑτέρου ἀμελῆσαι πᾶσα ἀνάγκη.

자녀와 아내와 친구들이 언제까지나 살기를 원한다면 너는 어리석다. 네게 달려 있지 않은 것이 네게 달려 있기를, 남의 것이 네 것이기를 바라기 때문이다. 마찬가지로 종이 잘못하지 않기를 원한다면 어리석다. 악덕이 악덕이 아니라 다른 무엇이기를 원하기 때문이다. 그러나 원하는 것을 얻지 못하는 일이 없기를 바란다면, 그것은 네가 할 수 있다. 그러므로 네가 할 수 있는 이 일을 연습하라.

ἐὰν θέλῃς τὰ τέκνα σου καὶ τὴν γυναῖκα καὶ τοὺς φίλους σου πάντοτε ζῆν, ἠλίθιος εἶ· τὰ γὰρ μὴ ἐπὶ σοὶ θέλεις ἐπὶ σοὶ εἶναι καὶ τὰ ἀλλότρια σὰ εἶναι. οὕτω κἂν τὸν παῖδα θέλῃς μὴ ἁμαρτάνειν, μωρὸς εἶ· θέλεις γὰρ τὴν κακίαν μὴ εἶναι κακίαν, ἀλλʼ ἄλλο τι. ἐὰν δὲ θέλῃς ὀρεγόμενος μὴ ἀποτυγχάνειν, τοῦτο δύνασαι. τοῦτο οὖν ἄσκει, ὃ δύνασαι.

각 사람의 주인은 그 사람이 원하는 것과 원하지 않는 것을 주거나 빼앗을 권한을 가진 자다. 그러므로 자유롭기를 바라는 사람은 남에게 달려 있는 것들 가운데 아무것도 원하거나 피하려 해서는 안 된다. 그러지 않으면 반드시 종이 된다.

κύριος ἑκάστου ἐστὶν ὁ τῶν ὑπʼ ἐκείνου θελομένων ἢ μὴ θελομένων ἔχων τὴν ἐξουσίαν εἰς τὸ περιποιῆσαι ἢ ἀφελέσθαι. ὅστις οὖν ἐλεύθερος εἶναι βούλεται, μήτε θελέτω τι μήτε φευγέτω τι τῶν ἐπʼ ἄλλοις· εἰ δὲ μή, δουλεύειν ἀνάγκη.

잔치에 참석한 사람처럼 처신해야 한다는 것을 기억하라. 음식이 돌다가 네 앞에 오면 손을 뻗어 단정하게 받아라. 지나가면 붙잡지 마라. 아직 오지 않았으면 욕구를 멀리 앞세우지 말고 네 앞에 올 때까지 기다려라. 자녀에게도, 아내에게도, 공직에도, 재산에도 이렇게 하라. 그러면 언젠가는 신들과 함께 잔치를 나눌 자격을 갖추게 될 것이다. 네 앞에 놓여도 받지 않고 넘겨줄 수 있다면, 신들과 함께 잔치를 나눌 뿐 아니라 함께 다스리게 될 것이다. 디오게네스와 헤라클레이토스와 그들과 같은 사람들은 이렇게 행동했기에, 마땅히 신적인 사람들이었고 그렇게 불렸다.

μέμνησο, ὅτι ὡς ἐν συμποσίῳ σε δεῖ ἀναστρέφεσθαι. περιφερόμενον γέγονέ τι κατὰ σέ· ἐκτείνας τὴν χεῖρα κοσμίως μετάλαβε. παρέρχεται· μὴ κάτεχε. οὔπω ἥκει· μὴ ἐπίβαλλε πόρρω τὴν ὄρεξιν, ἀλλὰ περίμενε, μέχρις ἂν γένηται κατὰ σέ. οὕτω πρὸς τέκνα, οὕτω πρὸς γυναῖκα, οὕτω πρὸς ἀρχάς, οὕτω πρὸς πλοῦτον· καὶ ἔσῃ ποτὲ ἄξιος τῶν θεῶν συμπότης. ἂν δὲ καὶ παρατεθέντων σοι μὴ λάβῃς, ἀλλʼ ὑπερίδῃς, τότε οὐ μόνον συμπότης τῶν θεῶν ἔσῃ, ἀλλὰ καὶ συνάρχων. οὕτω γὰρ ποιῶν Διογένης καὶ Ἡράκλειτος καὶ οἱ ὅμοιοι ἀξίως θεῖοί τε ἦσαν καὶ ἐλέγοντο.

자녀가 멀리 떠났거나 재산을 잃어 슬퍼하며 우는 사람을 보거든, 그 사람이 외적인 일로 악을 겪고 있다는 인상에 휩쓸리지 않도록 주의하라. 곧바로 이렇게 생각할 준비를 하라. “그를 짓누르는 것은 일어난 사건이 아니다. 같은 사건이 다른 사람을 짓누르지는 않기 때문이다. 그를 짓누르는 것은 그 사건에 대한 판단이다.” 그렇지만 말로는 그에게 공감하고, 경우에 따라 함께 탄식하는 것을 주저하지 마라. 다만 마음속으로까지 탄식하지 않도록 주의하라.

ὅταν κλαίοντα ἴδῃς τινὰ ἐν πένθει ἢ ἀποδημοῦντος τέκνου ἢ ἀπολωλεκότα τὰ ἑαυτοῦ, πρόσεχε μή σε ἡ φαντασία συναρπάσῃ ὡς ἐν κακοῖς ὄντος αὐτοῦ τοῖς ἐκτός, ἀλλʼ εὐθὺς ἔστω πρόχειρον ὅτι τοῦτον θλίβει οὐ τὸ συμβεβηκός (ἄλλον γὰρ οὐ θλίβει), ἀλλὰ τὸ δόγμα τὸ περὶ τούτου. μέχρι μέντοι λόγου μὴ ὄκνει συμπεριφέρεσθαι αὐτῷ, κἂν οὕτω τύχῃ, καὶ συνεπιστενάξαι· πρόσεχε μέντοι μὴ καὶ ἔσωθεν στενάξῃς.

너는 연출자가 원하는 연극의 배우라는 것을 기억하라. 짧은 연극을 원하면 짧은 연극의 배우이고, 긴 연극을 원하면 긴 연극의 배우다. 거지 역할을 원하면 그 역할도 잘 해내라. 다리를 저는 사람, 통치자, 평범한 사람의 역할도 마찬가지다. 네게 주어진 역할을 잘 연기하는 것은 네 몫이다. 그 역할을 고르는 것은 다른 이의 몫이다.

μέμνησο, ὅτι ὑποκριτὴς εἶ δράματος, οἵου ἂν θέλῃ ὁ διδάσκαλος· ἂν βραχύ, βραχέος· ἂν μακρόν, μακροῦ· ἂν πτωχὸν ὑποκρίνασθαί σε θέλῃ, ἵνα καὶ τοῦτον εὐφυῶς ὑποκρίνῃ ἂν χωλόν, ἂν ἄρχοντα, ἂν ἰδιώτην. σὸν γὰρ τοῦτʼ ἔστι, τὸ δοθὲν ὑποκρίνασθαι πρόσωπον καλῶς· ἐκλέξασθαι δʼ αὐτὸ ἄλλου.

까마귀가 불길하게 울더라도 그 인상에 휩쓸리지 마라. 곧바로 스스로 구분하여 이렇게 말하라. “이 징조들은 나 자신에 관해서는 아무것도 예고하지 않는다. 내 몸이나 얼마 안 되는 재산, 사소한 평판, 자녀나 아내에 관한 것일 뿐이다. 내가 원하기만 하면 나 자신에게는 모든 징조가 길하다. 이 가운데 무엇이 일어나든 거기에서 유익을 얻는 것은 내게 달려 있기 때문이다.”

κόραξ ὅταν μὴ αἴσιον κεκράγῃ, μὴ συναρπαζέτω σε ἡ φαντασία· ἀλλʼ εὐθὺς διαίρει παρὰ σεαυτῷ καὶ λέγε ὅτι τούτων ἐμοὶ οὐδὲν ἐπισημαίνεται, ἀλλʼ ἢ τῷ σωματίῳ μου ἢ τῷ κτησειδίῳ μου ἢ τῷ δοξαρίῳ μου ἢ τοῖς τέκνοις ἢ τῇ γυναικί. ἐμοὶ δὲ πάντα αἴσια σημαίνεται, ἐὰν ἐγὼ θέλω· ὅ τι γὰρ ἂν τούτων ἀποβαίνῃ, ἐπʼ ἐμοί ἐστιν ὠφεληθῆναι ἀπʼ αὐτοῦ.

너는 패배하지 않는 사람이 될 수 있다. 승리가 네게 달려 있지 않은 싸움에 나서지 않으면 된다.

ἀνίκητος εἶναι δύνασαι, ἐὰν εἰς μηδένα ἀγῶνα καταβαίνῃς, ὃν οὐκ ἔστιν ἐπὶ σοὶ νικῆσαι.

존중받거나 큰 권력을 누리거나 다른 방식으로 명성을 얻은 사람을 보더라도, 그 인상에 휩쓸려 그를 행복하다고 여기지 않도록 주의하라. 선의 본질이 우리에게 달려 있는 것들에 있다면, 시기나 질투가 들어설 자리는 없다. 너 자신도 장군이나 도시의 행정 수반이나 로마의 집정관이 되기보다 자유로운 사람이 되기를 원할 것이다. 그 길은 하나다. 우리에게 달려 있지 않은 것들을 대수롭지 않게 여기는 것이다.

ὅρα μήποτε ἰδών τινα προτιμώμενον ἢ μέγα δυνάμενον ἢ ἄλλως εὐδοκιμοῦντα μακαρίσῃς, ὑπὸ τῆς φαντασίας συναρπασθείς. ἐὰν γὰρ ἐν τοῖς ἐφʼ ἡμῖν ἡ οὐσία τοῦ ἀγαθοῦ ᾖ, οὔτε φθόνος οὔτε ζηλοτυπία χώραν ἔχει· σύ τε αὐτὸς οὐ στρατηγός, οὐ πρύτανις ἢ ὕπατος εἶναι θελήσεις, ἀλλʼ ἐλεύθερος. μία δὲ ὁδὸς πρὸς τοῦτο, καταφρόνησις τῶν οὐκ ἐφʼ ἡμῖν.

기억하라. 너를 모욕하는 것은 욕하거나 때리는 사람이 아니라, 그들이 너를 모욕한다는 너의 판단이다. 그러므로 누군가 너를 자극하면, 너를 자극한 것은 네 판단임을 알아라. 무엇보다 먼저 그 인상에 휩쓸리지 않도록 힘써라. 일단 시간과 여유를 얻으면 자신을 다스리기가 더 쉬워질 것이다.

μέμνησο, ὅτι οὐχ ὁ λοιδορῶν ἢ ὁ τύπτων ὑβρίζει, ἀλλὰ τὸ δόγμα τὸ περὶ τούτων ὡς ὑβριζόντων. ὅταν οὖν ἐρεθίσῃ σέ τις, ἴσθι, ὅτι ἡ σή σε ὑπόληψις ἠρέθικε. τοιγαροῦν ἐν πρώτοις πειρῶ ὑπὸ τῆς φαντασίας μὴ συναρπασθῆναι· ἂν γὰρ ἅπαξ χρόνου καὶ διατριβῆς τύχῃς, ῥᾷον κρατήσεις σεαυτοῦ.

죽음과 추방과 두렵게 보이는 모든 것, 특히 죽음을 날마다 눈앞에 두어라. 그러면 결코 비굴한 생각을 하거나 무엇을 지나치게 탐내지 않을 것이다.

θάνατος καὶ φυγὴ καὶ πάντα τὰ δεινὰ φαινόμενα πρὸ ὀφθαλμῶν ἔστω σοι καθʼ ἡμέραν, μάλιστα δὲ πάντων ὁ θάνατος· καὶ οὐδὲν οὐδέποτε οὔτε ταπεινὸν ἐνθυμηθήσῃ οὔτε ἄγαν ἐπιθυμήσεις τινός.

철학을 원한다면 처음부터 비웃음받을 준비를 하라. 많은 사람이 너를 조롱하며 “갑자기 철학자가 되어 돌아왔네. 저 거만한 표정은 어디서 나온 거지?”라고 말할 것이다. 너는 거만한 표정을 짓지 마라. 신이 너를 이 자리에 세웠다는 마음으로, 네게 가장 좋게 보이는 것들을 붙들어라. 기억하라. 네가 같은 원칙을 굳게 지키면 처음에 비웃던 사람들이 나중에는 너를 존경할 것이다. 그러나 그들에게 굴복하면 두 배의 비웃음을 얻을 것이다.

εἰ φιλοσοφίας ἐπιθυμεῖς, παρασκευάζου αὐτόθεν ὡς καταγελασθησόμενος, ὡς καταμωκησομένων σου πολλῶν, ὡς ἐρούντων ὅτι ἄφνω φιλόσοφος ἡμῖν ἐπανελήλυθε καὶ πόθεν ἡμῖν αὕτη ἡ ὀφρύς; σὺ δὲ ὀφρὺν μὲν μὴ σχῇς· τῶν δὲ βελτίστων σοι φαινομένων οὕτως ἔχου, ὡς ὑπὸ τοῦ θεοῦ τεταγμένος εἰς ταύτην τὴν χώραν· μέμνησό τε διότι, ἐὰν μὲν ἐμμείνῃς τοῖς αὐτοῖς, οἱ καταγελῶντές σου τὸ πρότερον οὗτοί σε ὕστερον θαυμάσονται, ἐὰν δὲ ἡττηθῇς αὐτῶν, διπλοῦν προσλήψῃ καταγέλωτα.

누군가의 마음에 들고 싶어서 바깥으로 눈을 돌리는 일이 생기면, 네가 삶의 입장을 잃었다는 것을 알아라. 그러므로 모든 일에서 철학자로 살아가는 것으로 만족하라. 철학자로 보이고도 싶다면 자신에게 그렇게 보여라. 그것으로 충분할 것이다.

ἐάν ποτέ σοι γένηται ἔξω στραφῆναι πρὸς τὸ βούλεσθαι ἀρέσαι τινί, ἴσθι ὅτι ἀπώλεσας τὴν ἔνστασιν. ἀρκοῦ οὖν ἐν παντὶ τῷ εἶναι φιλόσοφος εἰ δὲ καὶ δοκεῖν βούλει , σαυτῷ φαίνου καὶ ἱκανὸς ἔσῃ.

“나는 존중받지 못하고 어디서도 아무것도 아닌 사람으로 살 것이다.” 이런 생각에 짓눌리지 마라. 존중받지 못하는 것이 악이라면, 다른 사람 때문에 악에 빠질 수는 없다. 다른 사람 때문에 수치스러운 사람이 될 수 없는 것과 같다. 공직을 얻거나 잔치에 초대받는 것이 네가 할 일인가? 전혀 아니다. 그렇다면 그것을 얻지 못하는 것이 어떻게 존중받지 못하는 일이 되겠는가? 또 네가 어떻게 어디서도 아무것도 아닌 사람이 되겠는가? 너는 네게 달려 있는 일에서만 어떤 사람이 되면 된다. 그 일에서는 가장 가치 있는 사람이 될 수 있다.

οὗτοί σε οἱ διαλογισμοὶ μὴ θλιβέτωσαν ἄτιμος ἐγὼ βιώσομαι καὶ οὐδεὶς οὐδαμοῦ. εἰ γὰρ ἡ ἀτιμία ἐστὶ κακόν, οὐ δύνασαι ἐν κακῷ εἶναι διʼ ἄλλον, οὐ μᾶλλον ἢ ἐν αἰσχρῷ· μή τι οὖν σόν ἐστιν ἔργον τὸ ἀρχῆς τυχεῖν ἢ παραληφθῆναι ἐφʼ ἑστίασιν; οὐδαμῶς. πῶς οὖν ἔτι τοῦτʼ ἔστιν ἀτιμία; πῶς δὲ οὐδεὶς οὐδαμοῦ ἔσῃ, ὃν ἐν μόνοις εἶναί τινα δεῖ τοῖς ἐπὶ σοί, ἐν οἷς ἔξεστί σοι εἶναι πλείστου ἀξίῳ;

“하지만 네 친구들이 도움을 받지 못할 것이다.” 도움을 받지 못한다는 말은 무엇을 뜻하는가? 네게서 돈을 받지 못하고, 네가 그들을 로마 시민으로 만들어 주지 못한다는 뜻이다. 누가 그런 일들이 남에게 속한 일이 아니라 우리에게 달려 있는 일이라고 말했는가? 자신에게 없는 것을 누가 다른 사람에게 줄 수 있겠는가? 누군가는 말한다. “그러니 네가 그것들을 얻어서 우리도 갖게 해 다오.”

ἀλλά σοι οἱ φίλοι ἀβοήθητοι ἔσονται. τί λέγεις τὸ ἀβοήθητοι; οὐχ ἕξουσι παρὰ σοῦ κερμάτιον· οὐδὲ πολίτας Ῥωμαίων αὐτοὺς ποιήσεις. τίς οὖν σοι εἶπεν, ὅτι ταῦτα τῶν ἐφʼ ἡμῖν ἐστιν, οὐχὶ δὲ ἀλλότρια ἔργα; τίς δὲ δοῦναι δύναται ἑτέρῳ, ἃ μὴ ἔχει αὐτός; κτῆσαι οὖν, φησίν, ἵνα ἡμεῖς ἔχωμεν.

“내가 부끄러움을 알고 신의를 지키며 넓은 마음을 유지하면서 그것들을 얻을 수 있다면, 길을 보여 다오. 그러면 얻겠다. 그러나 너희가 좋은 것도 아닌 것들을 얻으려고 내게 나의 좋은 것들을 잃으라 요구한다면, 너희가 얼마나 불공정하고 분별없는지 살펴보아라. 너희는 무엇을 더 원하는가? 돈인가, 신의를 지키고 부끄러움을 아는 친구인가? 그렇다면 내가 그런 사람이 되도록 도와라. 그런 자질을 잃게 만드는 일을 하라고 요구하지 마라.”

εἰ δύναμαι κτήσασθαι τηρῶν ἐμαυτὸν αἰδήμονα καὶ πιστὸν καὶ μεγαλόφρονα, δείκνυε τὴν ὁδὸν καὶ κτήσομαι. εἰ δʼ ἐμὲ ἀξιοῦτε τὰ ἀγαθὰ τὰ ἐμαυτοῦ ἀπολέσαι, ἵνα ὑμεῖς τὰ μὴ ἀγαθὰ περιποιήσησθε, ὁρᾶτε ὑμεῖς, πῶς ἄνισοί ἐστε καὶ ἀγνώμονες. τί δὲ καὶ βούλεσθε μᾶλλον; ἀργύριον ἢ φίλον πιστὸν καὶ αἰδήμονα; εἰς τοῦτο οὖν μοι μᾶλλον συλλαμβάνετε καὶ μή, διʼ ὧν ἀποβαλῶ αὐτὰ ταῦτα, ἐκεῖνά με πράσσειν ἀξιοῦτε.

누군가는 말한다. “하지만 내가 할 수 있는 몫에서 조국이 도움을 받지 못할 것이다.” 다시 묻자. 그것은 무슨 도움인가? 너 때문에 주랑이나 목욕탕을 얻지 못한다는 뜻인가? 그게 무슨 문제인가? 대장장이에게서 신발을 얻거나 구두장이에게서 무기를 얻는 것도 아니다. 각 사람이 제 일을 다하면 충분하다. 네가 조국을 위해 신의를 지키고 부끄러움을 아는 시민 한 사람을 더 길러 낸다면, 조국에 아무 유익도 주지 않는가? 유익을 준다. 그렇다면 너 자신도 조국에 쓸모없는 사람이 아닐 것이다. “그러면 나는 나라에서 어떤 자리를 차지해야 하는가?” 신의와 부끄러움을 아는 마음을 함께 지키면서 맡을 수 있는 자리다.

ἀλλʼ ἡ πατρίς, ὅσον ἐπʼ ἐμοί, φησίν, ἀβοήθητος ἔσται. πάλιν, ποίαν καὶ ταύτην βοήθειαν; στοὰς οὐχ ἕξει διὰ σὲ οὔτε βαλανεῖα. καὶ τί τοῦτο; οὐδὲ γὰρ ὑποδήματα ἔχει διὰ τὸν χαλκέα οὐδʼ ὅπλα διὰ τὸν σκυτέα· ἱκανὸν δέ, ἐὰν ἕκαστος ἐκπληρώσῃ τὸ ἑαυτοῦ ἔργον. εἰ δὲ ἄλλον τινὰ αὐτῇ κατεσκεύαζες πολίτην πιστὸν καὶ αἰδήμονα, οὐδὲν ἂν αὐτὴν ὠφέλεις; ναί. οὐκοῦν οὐδὲ σὺ αὐτὸς ἀνωφελὴς ἂν εἴης αὐτῇ. τίνα οὖν ἕξω, φησί, χώραν ἐν τῇ πόλει; ἣν ἂν δύνῃ φυλάττων ἅμα τὸν πιστὸν καὶ αἰδήμονα.

조국을 돕고 싶다는 이유로 그런 자질을 잃는다면, 뻔뻔하고 신의 없는 사람이 된 네가 조국에 무슨 유익을 줄 수 있겠는가?

εἰ δὲ ἐκείνην ὠφελεῖν βουλόμενος ἀποβαλεῖς ταῦτα, τί ὄφελος ἂν αὐτῇ γένοιο ἀναιδὴς καὶ ἄπιστος ἀποτελεσθείς;

누군가 잔치나 인사나 자문 초청에서 너보다 우대를 받았는가? 그런 것들이 좋은 것이라면 그가 얻은 것을 기뻐해야 한다. 나쁜 것이라면 네가 얻지 못한 것을 괴로워하지 마라. 기억하라. 우리에게 달려 있지 않은 것을 얻으려고 남들과 같은 일을 하지 않으면서, 같은 대우를 받을 수는 없다.

Προετιμήθη σού τις ἐν ἑστιάσει ἢ ἐν προσαγορεύσει ἢ ἐν τῷ παραληφθῆναι εἰς συμβουλίαν; εἰ μὲν ἀγαθὰ ταῦτά ἐστι, χαίρειν σε δεῖ, ὅτι ἔτυχεν αὐτῶν ἐκεῖνος· εἰ δὲ κακά, μὴ ἄχθου, ὅτι σὺ αὐτῶν οὐκ ἔτυχες· μέμνησο δέ, ὅτι οὐ δύνασαι μὴ ταὐτὰ ποιῶν πρὸς τὸ τυγχάνειν τῶν οὐκ ἐφʼ ἡμῖν τῶν ἴσων ἀξιοῦσθαι.

누군가의 집 문턱을 찾지 않는 사람이 찾아다니는 사람과, 수행하지 않는 사람이 수행하는 사람과, 칭찬하지 않는 사람이 칭찬하는 사람과 어떻게 같은 몫을 얻겠는가? 그것들을 사는 데 드는 값을 내지 않으면서 공짜로 얻으려 한다면, 너는 불공정하고 탐욕스러운 사람일 것이다.

πῶς γὰρ ἴσον ἔχειν δύναται ὁ μὴ φοιτῶν ἐπὶ θύρας τινὸς τῷ φοιτῶντι; ὁ μὴ παραπέμπων τῷ παραπέμποντι; ὁ μὴ ἐπαινῶν τῷ ἐπαινοῦντι, ἄδικος οὖν ἔσῃ καὶ ἄπληστος, εἰ μὴ προϊέμενος ταῦτα, ἀνθʼ ὧν ἐκεῖνα πιπράσκεται, προῖκα αὐτὰ βουλήσῃ λαμβάνειν.

상추는 얼마에 팔리는가? 가령 한 오볼로스라고 하자. 누군가 한 오볼로스를 내고 상추를 받았고 너는 돈을 내지 않아 받지 못했다면, 받은 사람보다 네가 덜 가졌다고 생각하지 마라. 그가 상추를 가진 것처럼, 너는 내지 않은 한 오볼로스를 가지고 있다.

ἀλλὰ πόσου πιπράσκονται θρίδακες; ὀβολοῦ, ἂν οὕτω τύχῃ. ἂν οὖν τις προέμενος τὸν ὀβολὸν λάβῃ θρίδακας, σὺ δὲ μὴ προέμενος μὴ λάβῃς, μὴ οἴου ἔλαττον ἔχειν τοῦ λαβόντος. ὡς γὰρ ἐκεῖνος ἔχει θρίδακας, οὕτω σὺ τὸν ὀβολόν, ὃν οὐκ ἔδωκας.

여기서도 마찬가지다. 누군가의 잔치에 초대받지 못했는가? 초대한 사람이 저녁 식사의 값으로 요구하는 것을 네가 주지 않았기 때문이다. 그는 칭찬을 받고 식사를 팔며, 시중을 받고 식사를 판다. 네게 이익이 된다면, 그가 요구하는 값을 치러라. 그 값은 내지 않으면서 식사는 얻고 싶다면, 너는 탐욕스럽고 어리석다.

τὸν αὐτὸν δὴ τρόπον καὶ ἐνταῦθα. οὐ παρεκλήθης ἐφʼ ἑστίασίν τινος; οὐ γὰρ ἔδωκας τῷ καλοῦντι, ὅσου πωλεῖ τὸ δεῖπνον. ἐπαίνου δʼ αὐτὸ πωλεῖ, θεραπείας πωλεῖ. δὸς οὖν τὸ διάφορον, εἰ σοι λυσιτελεῖ, ὅσου πωλεῖται. εἰ δὲ κἀκεῖνα θέλεις μὴ προΐεσθαι καὶ ταῦτα λαμβάνειν, ἄπληστος εἶ καὶ ἀβέλτερος.

그렇다면 너에게는 저녁 식사 대신 얻은 것이 아무것도 없는가? 있다. 칭찬하고 싶지 않은 사람을 칭찬하지 않았고, 그의 문 앞에서 겪어야 할 일들을 견디지 않아도 되었다.

οὐδὲν οὖν ἔχεις ἀντὶ τοῦ δείπνου; ἔχεις μὲν οὖν τὸ μὴ ἐπαινέσαι τοῦτον, ὃν οὐκ ἤθελες, τὸ μὴ ἀνασχέσθαι αὐτοῦ τῶν ἐπὶ τῆς εἰσόδου.

자연의 뜻은 우리가 서로 의견을 달리하지 않는 일들에서 배울 수 있다. 가령 남의 집 종이 잔을 깨뜨리면 우리는 곧바로 “그럴 수도 있지”라고 말할 준비가 되어 있다. 그러므로 네 잔이 깨졌을 때에도 남의 잔이 깨졌을 때와 같은 태도를 가져야 한다는 것을 알아라. 더 큰 일에도 이것을 적용하라. 남의 자녀나 아내가 죽었는가? 누구나 “사람에게 일어나는 일이다”라고 말할 것이다. 그러나 자기 가족이 죽으면 곧바로 “아이고, 불쌍한 나!”라고 한다. 다른 사람에게 그런 일이 생겼다는 말을 들었을 때 우리가 어떤 마음이었는지 기억해야 한다.

τὸ βούλημα τῆς φύσεως καταμαθεῖν ἔστιν ἐξ ὧν οὐ διαφερόμεθα πρὸς ἀλλήλους. οἷον, ὅταν ἄλλου παιδάριον κατεάξῃ τὸ ποτήριον, πρόχειρον εὐθὺς λέγειν ὅτι τῶν γινομένων ἐστίν. ἴσθι οὖν, ὅτι, ὅταν καὶ τὸ σὸν κατεαγῇ, τοιοῦτον εἶναί σε δεῖ, ὁποῖον ὅτε καὶ τὸ τοῦ ἄλλου κατεάγη. οὕτω μετατίθει καὶ ἐπὶ τὰ μείζονα. τέκνον ἄλλου τέθνηκεν ἢ γυνή; οὐδείς ἐστιν ὃς οὐκ ἂν εἴποι ὅτι ἀνθρώπινον· ἀλλʼ ὅταν τὸ αὐτοῦ τινος ἀποθάνῃ, εὐθὺς οἴμοι, τάλας ἐγώ. ἐχρῆν δὲ μεμνῆσθαι, τί πάσχομεν περὶ ἄλλων αὐτὸ ἀκούσαντες.

과녁을 세우는 목적이 빗나가게 하는 데 있지 않듯, 우주에도 악이라는 본성이 생겨나는 것은 아니다.

ὥσπερ σκοπὸς πρὸς τὸ ἀποτυχεῖν οὐ τίθεται, οὕτως οὐδὲ κακοῦ φύσις ἐν κόσμῳ γίνεται.

누군가 네 몸을 지나가는 아무에게나 맡긴다면 너는 분개할 것이다. 그런데 너는 우연히 만난 사람에게 네 판단을 맡겨, 그가 욕하면 네 마음이 괴로워지고 혼란에 빠지게 한다. 이 일을 부끄러워하지 않는가?

εἰ μὲν τὸ σῶμά σού τις ἐπέτρεπε τῷ ἀπαντήσαντι, ἠγανάκτεις ἄν· ὅτι δὲ σὺ τὴν γνώμην τὴν σεαυτοῦ ἐπιτρέπεις τῷ τυχόντι, ἵνα, ἐὰν λοιδορήσηταί σοι, ταραχθῇ ἐκείνη καὶ συγχυθῇ, οὐκ αἰσχύνῃ τούτου ἕνεκα;

모든 일에서 그에 앞서 필요한 것과 뒤따르는 것을 살핀 다음 시작하라. 그러지 않으면 뒤따를 일을 생각하지 않은 채 처음에는 의욕적으로 나섰다가, 나중에 어려움이 드러나면 수치스럽게 물러설 것이다. 올림피아 경기에서 이기고 싶은가?

ἑκάστου ἔργου σκόπει τὰ καθηγούμενα καὶ τὰ ἀκόλουθα αὐτοῦ καὶ οὕτως ἔρχου ἐπʼ αὐτό. εἰ δὲ μή, τὴν μὲν πρώτην προθύμως ἥξεις ἅτε μηδὲν τῶν ἑξῆς ἐντεθυμημένος, ὕστερον δὲ ἀναφανέντων δυσχερῶν τινων αἰσχρῶς ἀποστήσῃ. θέλεις Ὀλύμπια νικῆσαι;

신들을 두고 말하건대, 나도 그렇다. 그것은 멋진 일이기 때문이다. 그러나 그에 앞서 필요한 것과 뒤따르는 것을 살핀 다음 그 일을 시작하라. 규율을 지키고, 정해진 식단을 따르고, 과자를 삼가야 한다. 정해진 시각에 더위와 추위 속에서도 의무적으로 훈련해야 하며, 찬물을 마시거나 내키는 대로 포도주를 마셔서는 안 된다. 한마디로 의사에게 맡기듯 자신을 훈련자에게 맡겨야 한다. 그런 다음 경기에서는 땅에 파묻히듯 뒹굴고, 때로 팔이 탈구되거나 발목을 삐고, 먼지를 잔뜩 삼키고, 때로 채찍질을 당하며, 이 모든 일을 겪고도 패할 수 있다.

κἀγώ, νὴ τοὺς θεούς· κομψὸν γάρ ἐστιν. ἀλλὰ σκόπει τὰ καθηγούμενα καὶ τὰ ἀκόλουθα καὶ οὕτως ἅπτου τοῦ ἔργου. δεῖ σʼ εὐτακτεῖν, ἀναγκοτροφεῖν, ἀπέχεσθαι πεμμάτων, γυμνάζεσθαι πρὸς ἀνάγκην, ἐν ὥρᾳ τεταγμένῃ, ἐν καύματι, ἐν ψύχει, μὴ ψυχρὸν πίνειν, μὴ οἶνον, ὡς ἔτυχεν, ἁπλῶς ὡς ἰατρῷ παραδεδωκέναι σεαυτὸν τῷ ἐπιστάτῃ, εἶτα ἐν τῷ ἀγῶνι παρορύσσεσθαι, ἔστι δὲ ὅτε χεῖρα ἐκβαλεῖν, σφυρὸν στρέψαι, πολλὴν ἁφὴν καταπιεῖν, ἔσθʼ ὅτε μαστιγωθῆναι καὶ μετὰ τούτων πάντων νικηθῆναι.

이런 것들을 살펴본 뒤에도 원한다면 경기에 나서라. 그렇지 않으면 아이들처럼 행동하게 된다. 아이들은 지금은 씨름꾼 놀이를 하다가 검투사 놀이를 하고, 나팔을 불다가 비극 배우 흉내를 낸다. 너도 마찬가지로 지금은 운동선수, 다음에는 검투사, 그다음에는 연설가, 그다음에는 철학자가 되지만, 온 마음을 다해 되는 것은 아무것도 없다. 원숭이처럼 눈에 보이는 장면마다 흉내 내고, 이것저것 번갈아 좋아할 뿐이다. 충분히 생각하거나 여러 면을 살펴보고 일을 시작한 것이 아니라, 되는 대로 냉랭한 욕망에 따라 시작했기 때문이다.

ταῦτα ἐπισκεψάμενος, ἂν ἔτι θέλῃς, ἔρχου ἐπὶ τὸ ἀθλεῖν. εἰ δὲ μή, ὡς τὰ παιδία ἀναστραφήσῃ, ἃ νῦν μὲν παλαιστὰς παίζει, νῦν δὲ μονομάχους, νῦν δὲ σαλπίζει, εἶτα τραγῳδεῖ· οὕτω καὶ σὺ νῦν μὲν ἀθλητής, νῦν δὲ μονομάχος, εἶτα ῥήτωρ, εἶτα φιλόσοφος, ὅλῃ δὲ τῇ ψυχῇ οὐδέν· ἀλλʼ ὡς πίθηκος πᾶσαν θέαν, ἣν ἂν ἴδῃς, μιμῇ καὶ ἄλλο ἐξ ἄλλου σοι ἀρέσκει. οὐ γὰρ μετὰ σκέψεως ἦλθες ἐπί τι οὐδὲ περιοδεύσας, ἀλλʼ εἰκῇ καὶ κατὰ ψυχρὰν ἐπιθυμίαν.

이처럼 어떤 사람들은 철학자를 보고, 누군가 유프라테스처럼 말하는 것을 듣고서는, (하지만 누가 그처럼 말할 수 있겠는가?)

οὕτω θεασάμενοί τινες φιλόσοφον καὶ ἀκούσαντες οὕτω τινὸς λέγοντος, ὡς Εὐφράτης λέγει (καίτοι τίς οὕτω δύναται εἰπεῖν, ὡς ἐκεῖνος;

자신들도 철학을 하고 싶어 한다. 사람이여, 먼저 그 일이 어떤 것인지 살펴보라. 그다음에는 네 본성을 살펴, 감당할 수 있는지 알아보라. 오종 경기 선수나 씨름꾼이 되고 싶은가? 네 팔과 넓적다리와 허리를 살펴보라.

), θέλουσι καὶ αὐτοὶ φιλοσοφεῖν. ἄνθρωπε, πρῶτον ἐπίσκεψαι, ὁποῖόν ἐστι τὸ πρᾶγμα· εἶτα καὶ τὴν σεαυτοῦ φύσιν κατάμαθε, εἰ δύνασαι βαστάσαι. πένταθλος εἶναι βούλει ἢ παλαιστής; ἴδε σεαυτοῦ τοὺς βραχίονας, τοὺς μηρούς, τὴν ὀσφὺν κατάμαθε.

사람마다 타고난 소질이 다르기 때문이다. 이런 일을 하면서도 전과 똑같이 먹고 마시고, 똑같이 원하고 불평할 수 있다고 생각하는가? 잠을 줄이고 수고하며 가족에게서 떠나야 한다. 어린 종에게 멸시받고 마주치는 사람들에게 비웃음받아야 한다. 명예와 공직과 소송, 그 밖의 모든 일에서 남보다 못한 처지가 되어야 한다.

ἄλλος γὰρ πρὸς ἄλλο πέφυκε. δοκεῖς, ὅτι ταῦτα ποιῶν ὡσαύτως δύνασαι ἐσθίειν, ὡσαύτως πίνειν, ὁμοίως ὀρέγεσθαι, ὁμοίως δυσαρεστεῖν; ἀγρυπνῆσαι δεῖ, πονῆσαι, ἀπὸ τῶν οἰκείων ἀπελθεῖν, ὑπὸ παιδαρίου καταφρονηθῆναι, ὑπὸ τῶν ἀπαντώντων καταγελασθῆναι, ἐν παντὶ ἧττον ἔχειν, ἐν τιμῇ, ἐν ἀρχῇ, ἐν δίκῃ, ἐν πραγματίῳ παντί.

이런 것들을 살펴보라. 이 모든 것과 맞바꾸어 흔들리지 않는 마음과 자유와 평정을 얻고 싶은지 생각하라. 그렇지 않다면 이 길에 들어서지 마라. 아이들처럼 지금은 철학자였다가 나중에는 세금 징수인, 그다음에는 연설가, 그다음에는 황제의 관리가 되지 마라. 이런 것들은 서로 맞지 않는다. 너는 선하든 악하든 한 사람이 되어야 한다. 네 마음을 다스리는 능력을 가꾸거나 외적인 것을 가꾸어야 한다. 내면을 돌보거나 바깥을 돌보아야 한다. 이것은 철학자의 자리를 지키거나 평범한 사람의 자리를 지킨다는 뜻이다.

ταῦτα ἐπίσκεψαι. εἰ θέλεις ἀντικαταλλάξασθαι τούτων ἀπάθειαν, ἐλευθερίαν, ἀταραξίαν· εἰ δὲ μή, μὴ προσάγαγε. μὴ ὡς τὰ παιδία νῦν φιλόσοφος, ὕστερον δὲ τελώνης, εἶτα ῥήτωρ, εἶτα ἐπίτροπος Καίσαρος. ταῦτα οὐ συμφωνεῖ. ἕνα σε δεῖ ἄνθρωπον ἢ ἀγαθὸν ἢ κακὸν εἶναι· ἢ τὸ ἡγεμονικόν σε δεῖ ἐξεργάζεσθαι τὸ σαυτοῦ ἢ τὸ ἐκτὸς ἢ περὶ τὰ ἔσω φιλοτεχνεῖν ἢ περὶ τὰ ἔξω· τοῦτʼ ἔστιν ἢ φιλοσόφου τάξιν ἐπέχειν ἢ ἰδιώτου.

해야 할 일은 대체로 관계에 따라 정해진다. 아버지라면 돌보고, 모든 일에서 양보하며, 욕하거나 때려도 견뎌야 한다는 의무가 따른다. “그러나 나쁜 아버지다.” 네가 본성상 관계를 맺은 것은 좋은 아버지인가? 아버지 그 자체다. 형제가 부당하게 행동하는가? 그렇다면 그와 맺은 관계에서 네 자리를 지켜라. 그가 무엇을 하는지보다, 네가 어떻게 해야 너의 선택 의지가 본성에 맞게 될지 살펴라. 네가 원하지 않으면 다른 사람은 너를 해치지 못한다. 네가 해를 입는다고 판단할 때 비로소 해를 입게 된다. 이처럼 관계를 살피는 습관을 들이면 이웃, 시민, 장군과의 관계에서도 네가 해야 할 일을 찾게 될 것이다.

τὰ καθήκοντα ὡς ἐπίπαν ταῖς σχέσεσι παραμετρεῖται. πατήρ ἐστιν· ὑπαγορεύεται ἐπιμελεῖσθαι, παραχωρεῖν ἁπάντων, ἀνέχεσθαι λοιδοροῦντος, παίοντος. ἀλλὰ πατὴρ κακός ἐστι. μή τι οὖν πρὸς ἀγαθὸν πατέρα φύσει ᾠκειώθης; ἀλλὰ πρὸς πατέρα. ὁ ἀδελφὸς ἀδικεῖ. τήρει τοιγαροῦν τὴν τάξιν τὴν σεαυτοῦ πρὸς αὐτὸν μηδὲ σκόπει, τί ἐκεῖνος ποιεῖ, ἀλλὰ τί σοὶ ποιήσαντι κατὰ φύσιν ἡ σὴ ἕξει προαίρεσις· σὲ γὰρ ἄλλος οὐ βλάψει, ἂν μὴ σὺ θέλῃς· τότε δὲ ἔσῃ βεβλαμμένος, ὅταν ὑπολάβῃς βλάπτεσθαι. οὕτως οὖν ἀπὸ τοῦ γείτονος, ἀπὸ τοῦ πολίτου, ἀπὸ τοῦ στρατηγοῦ τὸ καθῆκον εὑρήσεις, ἐὰν τὰς σχέσεις ἐθίζῃ θεωρεῖν.

신들에 대한 경건에서 가장 중요한 것은 신들이 존재하며 만물을 올바르고 정의롭게 다스린다는 바른 판단을 갖는 것임을 알아라. 그리고 자신을 다음과 같은 태도에 굳게 세워 두는 것이다. 신들에게 순종하고, 일어나는 모든 일을 받아들이며, 그것이 가장 훌륭한 판단으로 이루어진다고 여기고 기꺼이 따라야 한다. 이렇게 하면 신들을 탓하거나, 자신이 버림받았다고 비난하지 않을 것이다.

τῆς περὶ τοὺς θεοὺς εὐσεβείας ἴσθι ὅτι τὸ κυριώτατον ἐκεῖνό ἐστιν, ὀρθὰς ὑπολήψεις περὶ αὐτῶν ἔχειν ὡς ὄντων καὶ διοικούντων τὰ ὅλα καλῶς καὶ δικαίως καὶ σαυτὸν εἰς τοῦτο κατατεταχέναι, τὸ πείθεσθαι αὐτοῖς καὶ εἴκειν πᾶσι τοῖς γινομένοις καὶ ἀκολουθεῖν ἑκόντα ὡς ὑπὸ τῆς ἀρίστης γνώμης ἐπιτελουμένοις. οὕτω γὰρ οὐ μέμψῃ ποτὲ τοὺς θεοὺς οὔτε ἐγκαλέσεις ὡς ἀμελούμενος.

그러려면 선과 악을 우리에게 달려 있지 않은 것들에서 거두고, 우리에게 달려 있는 것들에만 두어야 한다. 외적인 것들 가운데 하나라도 선이나 악이라고 판단한다면, 원하는 것을 얻지 못하거나 원하지 않는 일을 겪을 때 그 원인이 되는 이들을 반드시 탓하고 미워하게 된다.

ἄλλως δὲ οὐχ οἷόν τε τοῦτο γίνεσθαι, ἐὰν μὴ ἄρῃς ἀπὸ τῶν οὐκ ἐφʼ ἡμῖν καὶ ἐν τοῖς ἐφʼ ἡμῖν μόνοις θῇς τὸ ἀγαθὸν καὶ τὸ κακόν. ὡς, ἄν γέ τι ἐκείνων ὑπολάβῃς ἀγαθὸν ἢ κακόν, πᾶσα ἀνάγκη, ὅταν ἀποτυγχάνῃς ὧν θέλεις καὶ περιπίπτῃς οἷς μὴ θέλεις, μέμψασθαί σε καὶ μισεῖν τοὺς αἰτίους.

모든 생명체는 해롭게 보이는 것과 그 원인을 피하고 외면하며, 유익한 것과 그 원인을 추구하고 높이 여기도록 타고났기 때문이다. 그러므로 해를 입고 있다고 생각하는 사람이 자신을 해친다고 여기는 이를 좋아할 수는 없다. 해 자체를 좋아할 수 없는 것과 같다.

πέφυκε γὰρ πρὸς τοῦτο πᾶν ζῷον τὰ μὲν βλαβερὰ φαινόμενα καὶ τὰ αἴτια αὐτῶν φεύγειν καὶ ἐκτρέπεσθαι, τὰ δὲ ὠφέλιμα καὶ τὰ αἴτια αὐτῶν μετιέναι τε καὶ τεθηπέναι. ἀμήχανον οὖν βλάπτεσθαί τινα οἰόμενον χαίρειν τῷ δοκοῦντι βλάπτειν, ὥσπερ καὶ τὸ αὐτῇ τῇ βλάβῃ χαίρειν ἀδύνατον.

이 때문에 아버지도 자녀가 좋다고 여기는 것을 주지 않으면 자녀에게 욕을 먹는다. 폴뤼네이케스와 에테오클레스가 서로 적이 된 것도 왕권을 좋은 것으로 여겼기 때문이다. 이 때문에 농부도, 뱃사람도, 상인도, 아내와 자녀를 잃은 사람들도 신들을 욕한다. 이익이 있다고 여기는 곳에 경건도 있기 때문이다. 따라서 마땅한 방식으로 원하고 피하는 데 마음을 쓰는 사람은 동시에 경건에도 마음을 쓰고 있는 것이다.

ἔνθεν καὶ πατὴρ ὑπὸ υἱοῦ λοιδορεῖται, ὅταν τῶν δοκούντων ἀγαθῶν εἶναι τῷ παιδὶ μὴ μεταδιδῷ· καὶ Πολυνείκην καὶ Ἐτεοκλέα τοῦτʼ ἐποίησε πολεμίους ἀλλήλοις τὸ ἀγαθὸν οἴεσθαι τὴν τυραννίδα. διὰ τοῦτο καὶ ὁ γεωργὸς λοιδορεῖ τοὺς θεούς, διὰ τοῦτο ὁ ναύτης, διὰ τοῦτο ὁ ἔμπορος, διὰ τοῦτο οἱ τὰς γυναῖκας καὶ τὰ τέκνα ἀπολλύντες. ὅπου γὰρ τὸ συμφέρον, ἐπεῖ καὶ τὸ εὐσεβές. ὥστε, ὅστις ἐπιμελεῖται τοῦ ὀρέγεσθαι ὡς δεῖ καὶ ἐκκλίνειν, ἐν τῷ αὐτῷ καὶ εὐσεβείας ἐπιμελεῖται.

술을 부어 바치고 제사를 드리며 첫 소산을 바치는 일은 조상들의 관례에 따라 늘 정결하고 경솔하지 않게 행해야 한다. 소홀히 하거나 인색하게 해서도 안 되며, 능력을 넘어서도 안 된다.

σπένδειν δὲ καὶ θύειν καὶ ἀπάρχεσθαι κατὰ τὰ πάτρια ἑκάστοτε προσήκει καθαρῶς καὶ μὴ ἐπισεσυρμένως μηδὲ ἀμελῶς μηδέ γε γλίσχρως μηδὲ ὑπὲρ δύναμιν.

점을 물으러 갈 때에는 무슨 일이 일어날지 몰라서 점술가에게 알아보러 왔다는 것을 기억하라. 그러나 네가 철학자라면 그 일이 어떤 성격인지는 알고 왔어야 한다. 우리에게 달려 있지 않은 일이라면 그것은 반드시 선도 악도 아니기 때문이다.

ὅταν μαντικῇ προσίῃς, μέμνησο, ὅτι, τί μὲν ἀποβήσεται, οὐκ οἶδας, ἀλλὰ ἥκεις ὡς παρὰ τοῦ μάντεως αὐτὸ πευσόμενος, ὁποῖον δέ τι ἐστίν, ἐλήλυθας εἰδώς, εἴπερ εἶ φιλόσοφος. εἰ γάρ ἐστί τι τῶν οὐκ ἐφʼ ἡμῖν, πᾶσα ἀνάγκη μήτε ἀγαθὸν αὐτὸ εἶναι μήτε κακόν.

그러므로 원하는 마음이나 피하려는 마음을 점술가에게 가져가지 말고, 떨면서 다가가지도 마라. 일어날 모든 일이 선악과 무관하며 너 자신과 관계없다는 것을 분명히 알아라. 무슨 일이 일어나든 너는 그것을 잘 사용할 수 있으며, 아무도 이를 막지 못한다. 그러므로 신들을 조언자로 여기며 담대하게 찾아가라. 조언을 받았다면 누구를 조언자로 삼았는지, 불순종할 때 누구의 말을 거스르게 되는지 기억하라.

μὴ φέρε οὖν πρὸς τὸν μάντιν ὄρεξιν ἢ ἔκκλισιν μηδὲ τρέμων αὐτῷ πρόσει, ἀλλὰ διεγνωκώς, ὅτι πᾶν τὸ ἀποβησόμενον ἀδιάφορον καὶ οὐδὲν πρὸς σέ, ὁποῖον δʼ ἂν ᾖ, ἔσται αὐτῷ χρήσασθαι καλῶς καὶ τοῦτο οὐθεὶς κωλύσει. θαῤῥῶν οὖν ὡς ἐπὶ συμβούλους ἔρχου τοὺς θεούς· καὶ λοιπόν, ὅταν τί σοι συμβουλευθῇ, μέμνησο τίνας συμβούλους παρέλαβες καὶ τίνων παρακούσεις ἀπειθήσας.

소크라테스가 권했듯, 판단의 전부가 결과에 달려 있고 이성이나 다른 기술로는 당면한 일을 알아볼 실마리를 얻을 수 없을 때 점을 물으러 가라. 따라서 친구나 조국과 함께 위험을 겪어야 할 때에는, 함께 위험을 겪어야 하는지 점을 묻지 마라. 점술가가 제물의 징조가 좋지 않다고 예고하더라도, 그 뜻은 죽음이나 신체 일부의 손상이나 추방을 가리키는 것이 분명하다. 그러나 이성은 그런 일이 있어도 친구 곁에 서고 조국과 함께 위험을 겪으라고 요구한다. 그러므로 더 위대한 예언자인 델포이의 신에게 귀를 기울여라. 그는 죽임당하는 친구를 돕지 않은 사람을 신전에서 내쫓았다.

ἔρχου δὲ ἐπὶ τὸ μαντεύεσθαι, καθάπερ ἠξίου Σωκράτης, ἐφʼ ὧν ἡ πᾶσα σκέψις τὴν ἀναφορὰν εἰς τὴν ἔκβασιν ἔχει καὶ οὔτε ἐκ λόγου οὔτε ἐκ τέχνης τινὸς ἄλλης ἀφορμαὶ δίδονται πρὸς τὸ συνιδεῖν τὸ προκείμενον· ὥστε, ὅταν δεήσῃ συγκινδυνεῦσαι φίλῳ ἢ πατρίδι, μὴ μαντεύεσθαι, εἰ συγκινδυνευτέον. καὶ γὰρ ἂν προείπῃ σοι ὁ μάντις φαῦλα γεγονέναι τὰ ἱερά, δῆλον ὅτι θάνατος σημαίνεται ἢ πήρωσις μέρους τινὸς τοῦ σώματος ἢ φυγή· ἀλλʼ αἱρεῖ ὁ λόγος καὶ σὺν τούτοις παρίστασθαι τῷ φίλῳ καὶ τῇ πατρίδι συγκινδυνεύειν. τοιγαροῦν τῷ μείζονι μάντει πρόσεχε, τῷ Πυθίῳ, ὃς ἐξέβαλε τοῦ ναοῦ τὸν οὐ βοηθήσαντα ἀναιρουμένῳ τῷ φίλῳ.

지금부터 스스로 어떤 성품과 삶의 방식을 정하라. 혼자 있을 때나 사람들을 만날 때나 그것을 지켜라.

τάξον τινὰ ἤδη χαρακτῆρα σαυτῷ καὶ τύπον, ὃν φυλάξεις ἐπί τε σεαυτοῦ ὢν καὶ ἀνθρώποις ἐντυγχάνων.

대체로 침묵하고, 말할 때에는 필요한 것을 짧게 말하라. 드물게 상황이 말을 요구하면 말하되, 아무 이야기나 하지는 마라. 검투 경기, 경마, 운동선수, 음식과 술처럼 어디서나 하는 이야기를 삼가라. 특히 사람들을 비난하거나 칭찬하거나 비교하는 이야기를 삼가라.

καὶ σιωπὴ τὸ πολὺ ἔστω ἢ λαλείσθω τὰ ἀναγκαῖα καὶ διʼ ὀλίγων. σπανίως δέ ποτε καιροῦ παρακαλοῦντος ἐπὶ τὸ λέγειν λέξον μέν, ἀλλὰ περὶ οὐδενὸς τῶν τυχόντων· μὴ περὶ μονομαχιῶν, μὴ περὶ ἱπποδρομιῶν, μὴ περὶ ἀθλητῶν, μὴ περὶ βρωμάτων ἢ πομάτων, τῶν ἑκασταχοῦ, μάλιστα δὲ μὴ περὶ ἀνθρώπων ψέγων ἢ ἐπαινῶν ἢ συγκρίνων.

할 수 있다면 네 말로 함께 있는 사람들의 대화도 적절한 주제로 이끌어라. 그러나 너와 뜻이 다른 사람들 사이에 홀로 있게 되면 침묵하라.

ἂν μὲν οὖν οἷός τε ᾖς, μετάγαγε τοῖς σοῖς λόγοις καὶ τοὺς τῶν συνόντων ἐπὶ τὸ προσῆκον. εἰ δὲ ἐν ἀλλοφύλοις ἀποληφθεὶς τύχοις, σιώπα.

많이 웃거나, 아무 일에나 웃거나, 절제 없이 웃지 마라.

γέλως μὴ πολὺς ἔστω μηδὲ ἐπὶ πολλοῖς μηδὲ ἀνειμένος.

맹세는 가능하면 완전히 피하고, 그럴 수 없으면 할 수 있는 만큼 피하라. 외부 사람들과 철학을 배우지 않는 사람들의 잔치는 피하라.

ὅρκον παραίτησαι, εἰ μὲν οἷόν τε, εἰς ἅπαν, εἰ δὲ μή, ἐκ τῶν ἐνόντων. ἑστιάσεις τὰς ἔξω καὶ ἰδιωτικὰς διακρούου·

참석할 일이 생기면, 철학을 배우지 않는 사람들의 방식으로 자신도 모르게 빠져들지 않도록 각별히 주의하라. 동료가 더러워져 있으면 그와 어울리는 사람도, 자신이 깨끗하더라도 반드시 함께 더러워진다는 것을 알아라.

ἐὰν δέ ποτε γίνηται καιρός, ἐντετάσθω σοι ἡ προσοχή, μήποτε ἄρα ὑπορρυῇς εἰς ἰδιωτισμόν. ἴσθι γάρ, ὅτι, ἐὰν ὁ ἑταῖρος ᾖ μεμολυσμένος, καὶ τὸν συνανατριβόμενον αὐτῷ συμμολύνεσθαι ἀνάγκη, κἂν αὐτὸς ὢν τύχῃ καθαρός.

음식, 음료, 옷, 집, 종처럼 몸에 관련된 것은 꼭 필요한 만큼만 받아들여라. 과시나 사치를 위한 것은 모두 버려라. 성생활에서는 할 수 있는 한 결혼 전에 정결을 지켜야 한다.

τὰ περὶ τὸ σῶμα μέχρι τῆς χρείας ψιλῆς παραλάμβανε, οἷον τροφάς, πόμα, ἀμπεχόνην, οἰκίαν, οἰκετίαν· τὸ δὲ πρὸς δόξαν ἢ τρυφὴν ἅπαν περίγραφε. περὶ ἀφροδίσια εἰς δύναμιν πρὸ γάμου καθαρευτέον·

성관계를 갖는다면 법에 허용된 범위에서 해야 한다. 그렇지만 성관계를 갖는 사람들을 귀찮게 하거나 꾸짖는 사람이 되지 마라. 너 자신은 성관계를 갖지 않는다는 말을 여기저기 늘어놓지도 마라.

ἁπτομένῳ δὲ ὧν νόμιμόν ἐστι μεταληπτέον. μὴ μέντοι ἐπαχθὴς γίνου τοῖς χρωμένοις μηδὲ ἐλεγκτικός· μηδὲ πολλαχοῦ τὸ ὅτι αὐτὸς οὐ χρῇ, παράφερε.

누군가 “어떤 사람이 당신을 험담한다”고 전하면 그 말에 대해 변명하지 마라. 이렇게 대답하라. “그는 내 다른 결점들을 몰랐던 모양이다. 알았다면 그것들만 말하지는 않았을 것이다.”

ἐὰν τίς σοι ἀπαγγείλῃ ὅτι ὁ δεῖνά σε κακῶς λέγει, μὴ ἀπολογοῦ πρὸς τὰ λεχθέντα, ἀλλʼ ἀποκρίνου διότι ἠγνόει γὰρ τὰ ἄλλα τὰ προσόντα μοι κακά, ἐπεὶ οὐκ ἂν ταῦτα μόνα ἔλεγεν.

공연장에 자주 갈 필요는 없다. 갈 일이 생기면 자신 외에는 누구에게도 마음을 쏟는 모습을 보이지 마라. 그 뜻은 이렇다. 일어나는 일만 일어나기를 원하고, 이기는 사람만 이기기를 원하라. 그러면 방해받지 않을 것이다. 소리를 지르거나 누군가를 비웃거나 크게 흥분하는 일을 철저히 삼가라. 공연장을 나온 뒤에는 자신을 바로잡는 데 도움이 되는 것 외에, 그곳에서 일어난 일을 길게 이야기하지 마라. 그런 이야기에서는 네가 구경거리에 마음을 빼앗겼다는 사실이 드러나기 때문이다.

εἰς τὰ θέατρα τὸ πολὺ παριέναι οὐκ ἀναγκαῖον. εἰ δέ ποτε καιρὸς εἴη, μηδενὶ σπουδάζων φαίνου ἢ σεαυτῷ, τοῦτʼ ἔστι. θέλε γίνεσθαι μόνα τὰ γινόμενα καὶ νικᾶν μόνον τὸν νικῶντα· οὕτω γὰρ οὐκ ἐμποδισθήσῃ. βοῆς δὲ καὶ τοῦ ἐπιγελᾶν τινι ἢ ἐπὶ πολὺ συγκινεῖσθαι παντελῶς ἀπέχου. καὶ μετὰ τὸ ἀπαλλαγῆναι μὴ πολλὰ περὶ τῶν γεγενημένων διαλέγου, ὅσα μὴ φέρει πρὸς τὴν σὴν ἐπανόρθωσιν· ἐμφαίνεται γὰρ ἐκ τοῦ τοιούτου, ὅτι ἐθαύμασας τὴν θέαν.

사람들의 강연에 되는 대로, 가벼운 마음으로 참석하지 마라. 참석할 때에는 진지하고 침착하며, 동시에 남에게 부담을 주지 않는 태도를 지켜라.

εἰς ἀκροάσεις τινῶν μὴ εἰκῇ μηδὲ ῥᾳδίως πάριθι· παριὼν δὲ τὸ σεμνὸν καὶ τὸ εὐσταθὲς καὶ ἅμα ἀνεπαχθὲς φύλασσε.

누군가를, 특히 높은 지위에 있다고 여겨지는 사람을 만나려 할 때에는, 이런 상황에서 소크라테스나 제논이 어떻게 했을지 미리 생각하라. 그러면 닥친 일을 적절히 다루는 데 어려움을 겪지 않을 것이다.

ὅταν τινὶ μέλλῃς συμβαλεῖν, μάλιστα τῶν ἐν ὑπεροχῇ δοκούντων, πρόβαλε σαυτῷ, τί ἂν ἐποίησεν ἐν τούτῳ Σωκράτης ἢ Ζήνων, καὶ οὐκ ἀπορήσεις τοῦ χρήσασθαι προσηκόντως τῷ ἐμπεσόντι.

큰 권력을 가진 사람을 찾아갈 때에는, 그가 집에 없거나 네가 문전에서 거절당하거나 문이 네 앞에서 닫히거나 그가 너에게 관심을 두지 않을 수 있음을 미리 생각하라. 그래도 가는 것이 마땅하다면, 가서 일어나는 일을 견디고 “그만한 가치가 없었다”고 스스로에게 말하지 마라. 그것은 철학을 배우지 않은 사람의 태도이며, 외적인 것에 불만을 품은 태도이기 때문이다.

ὅταν φοιτᾷς πρός τινα τῶν μέγα δυναμένων, πρόβαλε, ὅτι οὐχ εὑρήσεις αὐτὸν ἔνδον, ὅτι ἀποκλεισθήσῃ, ὅτι ἐντιναχθήσονταί σοι αἱ θύραι, ὅτι οὐ φροντιεῖ σου. κἂν σὺν τούτοις ἐλθεῖν καθήκῃ, ἐλθὼν φέρε τὰ γινόμενα καὶ μηδέποτε εἴπῃς αὐτὸς πρὸς ἑαυτὸν ὅτι οὐκ ἦν τοσούτου· ἰδιωτικὸν γὰρ καὶ διαβεβλημένον πρὸς τὰ ἐκτός.

대화 중에 자신이 한 일이나 겪은 위험을 지나치게 길고 끊임없이 이야기하지 마라. 너에게는 자신의 위험을 회상하는 일이 즐겁더라도, 다른 사람들에게 네가 겪은 일을 듣는 것이 똑같이 즐겁지는 않기 때문이다.

ἐν ταῖς ὁμιλίαις ἀπέστω τὸ ἑαυτοῦ τινων ἔργων ἢ κινδύνων ἐπὶ πολὺ καὶ ἀμέτρως μεμνῆσθαι. οὐ γάρ, ὡς σοὶ ἡδύ ἐστι τὸ τῶν σῶν κινδύνων μεμνῆσθαι, οὕτω καὶ τοῖς ἄλλοις ἡδύ ἐστι τὸ τῶν σοὶ συμβεβηκότων ἀκούειν.

남을 웃기려는 일도 삼가라. 그런 행동은 쉽게 철학과 무관한 생활 태도로 빠지게 하고, 동시에 주변 사람들이 너에게 품는 존중을 느슨하게 만들 수 있기 때문이다.

ἀπέστω δὲ καὶ τὸ γέλωτα κινεῖν· ὀλισθηρὸς γὰρ ὁ τρόπος εἰς ἰδιωτισμὸν καὶ ἅμα ἱκανὸς τὴν αἰδῶ τὴν πρὸς σὲ τῶν πλησίον ἀνιέναι.

상스러운 말을 하는 것도 위험하다. 그러므로 그런 일이 생겼을 때 기회가 적절하면 그런 말을 한 사람을 꾸짖어라. 그렇지 않으면 침묵하거나 얼굴을 붉히거나 표정을 굳혀, 그 말이 불편하다는 것을 드러내라.

ἐπισφαλὲς δὲ καὶ τὸ εἰς αἰσχρολογίαν προελθεῖν. ὅταν οὖν τι συμβῇ τοιοῦτον, ἂν μὲν εὔκαιρον ᾖ, καὶ ἐπίπληξον τῷ προελθόντι· εἰ δὲ μή, τῷ γε ἀποσιωπῆσαι καὶ ἐρυθριᾶσαι καὶ σκυθρωπάσαι δῆλος γίνου δυσχεραίνων τῷ λόγῳ.

어떤 쾌락의 인상이 떠오르면, 다른 인상들을 대할 때처럼 그것에 휩쓸리지 않도록 자신을 지켜라. 그 일을 잠시 기다리게 하고 스스로에게 얼마간의 유예를 주어라. 그런 다음 두 때를 함께 생각하라. 쾌락을 누릴 때와, 그것을 누린 뒤 후회하며 스스로를 꾸짖을 때다. 여기에, 쾌락을 삼갔을 때 어떻게 기뻐하며 자신을 칭찬할지를 맞세워 보라. 그 일을 해도 적절하다고 여겨지더라도, 그것의 즐거움과 달콤함과 유혹에 패하지 않도록 주의하라. 그런 승리를 거두었다는 것을 스스로 아는 일이 얼마나 더 좋은지 생각하며 맞서라.

ὅταν ἡδονῆς τινος φαντασίαν λάβῃς, καθάπερ ἐπὶ τῶν ἄλλων, φύλασσε σαυτόν, μὴ συναρπασθῇς ὑπʼ αὐτῆς· ἀλλʼ ἐκδεξάσθω σε τὸ πρᾶγμα, καὶ ἀναβολήν τινα παρὰ σεαυτοῦ λάβε. ἔπειτα μνήσθητι ἀμφοτέρων τῶν χρόνων, καθʼ ὅν τε ἀπολαύσεις τῆς ἡδονῆς, καὶ καθʼ ὃν ἀπολαύσας ὕστερον μετανοήσεις καὶ αὐτὸς σεαυτῷ λοιδορήσῃ· καὶ τούτοις ἀντίθες ὅπως ἀποσχόμενος χαιρήσεις καὶ ἐπαινέσεις αὐτὸς σεαυτόν. ἐὰν δέ σοι καιρὸς φανῇ ἅψασθαι τοῦ ἔργου, πρόσεχε, μὴ ἡττήσῃ σε τὸ προσηνὲς αὐτοῦ καὶ ἡδὺ καὶ ἐπαγωγόν· ἀλλʼ ἀντιτίθει, πόσῳ ἄμεινον τὸ συνειδέναι σεαυτῷ ταύτην τὴν νίκην νενικηκότι.

해야 할 일이라고 판단하여 행동한다면, 사람들이 다르게 생각하더라도 그 일을 하는 모습을 보이는 것을 피하지 마라. 잘못된 일을 한다면 그 행동 자체를 피해야 한다. 옳게 행동한다면 부당하게 비난할 사람들을 왜 두려워하는가?

ὅταν τι διαγνούς, ὅτι ποιητέον ἐστί, ποιῇς, μηδέποτε φύγῃς ὀφθῆναι πράσσων αὐτό, κἂν ἀλλοῖόν τι μέλλωσιν οἱ πολλοὶ περὶ αὐτοῦ ὑπολαμβάνειν. εἰ μὲν γὰρ οὐκ ὀρθῶς ποιεῖς, αὐτὸ τὸ ἔργον φεῦγε· εἰ δὲ ὀρθῶς, τί φοβῇ τοὺς ἐπιπλήξοντας οὐκ ὀρθῶς;

“낮이다”와 “밤이다”라는 두 명제는 ‘또는’으로 연결하면 타당하지만 ‘그리고’로 연결하면 타당하지 않다. 이처럼 더 큰 몫을 고르는 것이 몸에는 유익할 수 있어도, 잔치에서 마땅히 지켜야 할 공동체적 태도를 지키는 데에는 가치가 없다. 그러므로 다른 사람과 함께 먹을 때에는 차려진 음식이 몸에 얼마나 유익한지만 보지 말고, 초대한 사람에 대한 존중도 지켜야 함을 기억하라.

ὡς τὸ ἡμέρα ἐστί καὶ νύξ ἐστι πρὸς μὲν τὸ διεζευγμένον μεγάλην ἔχει ἀξίαν, πρὸς δὲ τὸ συμπεπλεγμένον ἀπαξίαν, οὕτω καὶ τὸ τὴν μείζω μερίδα ἐκλέξασθαι πρὸς μὲν τὸ σῶμα ἐχέτω ἀξίαν, πρὸς δὲ τὸ τὸ κοινωνικὸν ἐν ἑστιάσει, οἷον δεῖ, φυλάξαι, ἀπαξίαν ἔχει. ὅταν οὖν συνεσθίῃς ἑτέρῳ, μέμνησο, μὴ μόνον τὴν πρὸς τὸ σῶμα ἀξίαν τῶν παρακειμένων ὁρᾶν, ἀλλὰ καὶ τὴν πρὸς τὸν ἑστιάτορα αἰδῶ φυλάξαι.

능력을 넘는 역할을 맡으면 그 역할에서 추한 모습을 보이고, 자신이 해낼 수 있었던 일마저 놓치게 된다.

ἐὰν ὑπὲρ δύναμιν ἀναλάβῃς τι πρόσωπον, καὶ ἐν τούτῳ ἠσχημόνησας καί, ὃ ἠδύνασο ἐκπληρῶσαι, παρέλιπες.

걸을 때 못을 밟거나 발을 삐지 않도록 조심하듯, 네 마음을 다스리는 능력을 해치지 않도록 조심하라. 모든 일에서 이것을 지킨다면 더 든든하게 그 일을 시작할 수 있을 것이다.

ἐν τῷ περιπατεῖν καθάπερ προσέχεις, μὴ ἐπιβῇς ἥλῳ ἢ στρέψῃς τὸν πόδα σου, οὕτω πρόσεχε, μὴ καὶ τὸ ἡγεμονικὸν βλάψῃς τὸ σεαυτοῦ. καὶ τοῦτο ἐὰν ἐφʼ ἑκάστου ἔργου παραφυλάσσωμεν, ἀσφαλέστερον ἁψόμεθα τοῦ ἔργου.

신발의 기준이 발이듯, 각 사람이 소유할 것의 기준은 몸이다. 그러므로 이 기준에서 멈추면 적절한 한도를 지킬 것이다. 그러나 그 한도를 넘으면 그 뒤에는 절벽 아래로 굴러가듯 끌려갈 수밖에 없다. 신발도 발의 필요를 넘어서면 금장 신발이 되고, 그다음에는 자주색 신발, 수놓은 신발이 된다. 일단 적절한 한도를 넘은 것에는 끝이 없기 때문이다.

μέτρον κτήσεως τὸ σῶμα ἑκάστῳ ὡς ὁ ποὺς ὑποδήματος. ἐὰν μὲν οὖν ἐπὶ τούτου στῇς, φυλάξεις τὸ μέτρον· ἐὰν δὲ ὑπερβῇς, ὡς κατὰ κρημνοῦ λοιπὸν ἀνάγκη φέρεσθαι· καθάπερ καὶ ἐπὶ τοῦ ὑποδήματος, ἐὰν ὑπὲρ τὸν πόδα ὑπερβῇς, γίνεται κατάχρυσον ὑπόδημα, εἶτα πορφυροῦν, κεντητόν. τοῦ γὰρ ἅπαξ ὑπὲρ τὸ μέτρον ὅρος οὐθείς ἐστιν.

여자들은 열네 살부터 남자들에게 ‘귀부인’이라고 불린다. 그래서 자신들이 남자와 함께 잠자리에 드는 일 외에는 달리 인정받는 것이 없다고 보고, 꾸미기 시작하며 거기에 모든 희망을 건다. 그러므로 단정하고 부끄러움을 아는 모습을 보이는 것으로 존중받는다는 사실을 그들이 깨닫도록 마음을 쓸 필요가 있다.

αἱ γυναῖκες εὐθὺς ἀπὸ τεσσαρεσκαίδεκα ἐτῶν ὑπὸ τῶν ἀνδρῶν κυρίαι καλοῦνται. τοιγαροῦν ὁρῶσαι, ὅτι ἄλλο μὲν οὐδὲν αὐταῖς πρόσεστι, μόνον δὲ συγκοιμῶνται τοῖς ἀνδράσι, ἄρχονται καλλωπίζεσθαι καὶ ἐν τούτῳ πάσας ἔχειν τὰς ἐλπίδας. προσέχειν οὖν ἄξιον, ἵνα αἴσθωνται, διότι ἐπʼ οὐδενὶ ἄλλῳ τιμῶνται ἢ τῷ κόσμιαι φαίνεσθαι καὶ αἰδήμονες.

몸에 관련된 일에 시간을 쏟는 것은 둔한 자질의 표시다. 운동하고, 먹고, 마시고, 배설하고, 성관계하는 데 많은 시간을 쓰는 것이 그렇다. 그런 일은 부수적인 일로 해야 한다. 모든 관심은 판단하는 마음에 두어라.

Ἀφυΐας σημεῖον τὸ ἐνδιατρίβειν τοῖς περὶ τὸ σῶμα, οἷον ἐπὶ πολὺ γυμνάζεσθαι, ἐπὶ πολὺ ἐσθίειν, ἐπὶ πολὺ πίνειν, ἐπὶ πολὺ ἀποπατεῖν, ὀχεύειν. ἀλλὰ ταῦτα μὲν ἐν παρέργῳ ποιητέον· περὶ δὲ τὴν γνώμην ἡ πᾶσα ἔστω ἐπιστροφή.

누군가 너에게 나쁘게 행동하거나 말할 때에는, 자신에게 마땅한 일이라고 생각해서 그렇게 한다는 것을 기억하라. 그는 네게 보이는 것을 따를 수 없고, 자신에게 보이는 것을 따를 수밖에 없다. 그러므로 그에게 잘못 보인다면, 속은 그 사람이 해를 입는 것이다. 참인 결합 명제를 누군가 거짓이라고 판단해도, 해를 입는 것은 그 명제가 아니라 속은 사람이다. 이런 생각에서 출발하면 너를 욕하는 사람을 온유하게 대할 수 있을 것이다. 그때마다 “그에게는 그렇게 보였던 것이다”라고 말하라.

ὅταν σέ τις κακῶς ποιῇ ἢ κακῶς λέγῃ, μέμνησο, ὅτι καθήκειν αὐτῷ οἰόμενος ποιεῖ ἢ λέγει. οὐχ οἷόν τε οὖν ἀκολουθεῖν αὐτὸν τῷ σοὶ φαινομένῳ, ἀλλὰ τῷ ἑαυτῷ, ὥστε, εἰ κακῶς αὐτῷ φαίνεται, ἐκεῖνος βλάπτεται, ὅστις καὶ ἐξηπάτηται. καὶ γὰρ τὸ ἀληθὲς συμπεπλεγμένον ἄν τις ὑπολάβῃ ψεῦδος, οὐ τὸ συμπεπλεγμένον βέβλαπται, ἀλλʼ ὁ ἐξαπατηθείς. ἀπὸ τούτων οὖν ὁρμώμενος πρᾴως ἕξεις πρὸς τὸν λοιδοροῦντα. ἐπιφθέγγου γὰρ ἐφʼ ἑκάστῳ ὅτι ἔδοξεν αὐτῷ.

모든 일에는 두 손잡이가 있다. 하나는 들 수 있는 손잡이이고, 다른 하나는 들 수 없는 손잡이다. 형제가 부당하게 행동하면, 그가 부당하게 행동한다는 쪽에서 그 일을 붙잡지 마라. 그것은 들 수 없는 손잡이이기 때문이다. 그가 네 형제이며 함께 자란 사람이라는 쪽에서 붙잡아라. 그러면 그 일을 들 수 있는 쪽에서 붙잡게 될 것이다.

πᾶν πρᾶγμα δύο ἔχει λαβάς, τὴν μὲν φορητήν, τὴν δὲ ἀφόρητον. ὁ ἀδελφὸς ἐὰν ἀδικῇ, ἐντεῦθεν αὐτὸ μὴ λάμβανε, ὅτι ἀδικεῖ (αὕτη γὰρ ἡ λαβή ἐστιν αὐτοῦ οὐ φορητή), ἀλλὰ ἐκεῖθεν μᾶλλον, ὅτι ἀδελφός, ὅτι σύντροφος, καὶ λήψῃ αὐτὸ καθʼ ὃ φορητόν.

다음 논증은 타당하지 않다. “나는 너보다 부유하다. 그러므로 나는 너보다 낫다.” “나는 너보다 말을 잘한다. 그러므로 나는 너보다 낫다.” 오히려 다음 논증이 타당하다. “나는 너보다 부유하다. 그러므로 내 재산은 네 재산보다 낫다.” “나는 너보다 말을 잘한다. 그러므로 내 말솜씨는 네 말솜씨보다 낫다.” 그러나 너 자신은 재산도 말솜씨도 아니다.

οὗτοι οἱ λόγοι ἀσύνακτοι ἐγώ σου πλουσιώτερός εἰμι, ἐγώ σου ἄρα κρείσσων· ἐγώ σου λογιώτερος, ἐγώ σου ἄρα κρείσσων. ἐκεῖνοι δὲ μᾶλλον συνακτικοί ἐγώ σου πλουσιώτερός εἰμι, ἡ ἐμὴ ἄρα κτῆσις τῆς σῆς κρείσσων· ἐγώ σου λογιώτερος, ἡ ἐμὴ ἄρα λέξις τῆς σῆς κρείσσων. σὺ δέ γε οὔτε κτῆσις εἶ οὔτε λέξις.

누군가 빨리 목욕한다. 잘못 목욕한다고 말하지 말고, 빨리 목욕한다고 말하라. 누군가 포도주를 많이 마신다. 잘못 마신다고 말하지 말고, 많이 마신다고 말하라. 그의 판단을 알기도 전에 그것이 잘못인지 어떻게 알겠는가? 이렇게 하면 한 가지에 관해 명확한 인상을 받아들이면서 다른 것에 동의하는 일이 생기지 않을 것이다.

λούεταί τις ταχέως· μὴ εἴπῃς ὅτι κακῶς, ἀλλʼ ὅτι ταχέως. πίνει τις πολὺν οἶνον· μὴ εἴπῃς ὅτι κακῶς, ἀλλʼ ὅτι πολύν. πρὶν γὰρ διαγνῶναι τὸ δόγμα, πόθεν οἶσθα, εἰ κακῶς; οὕτως οὐ συμβήσεταί σοι ἄλλων μὲν φαντασίας καταληπτικὰς λαμβάνειν, ἄλλοις δὲ συγκατατίθεσθαι.

어디서든 스스로 철학자라고 말하지 마라. 철학을 배우지 않는 사람들 앞에서 이론을 길게 말하지 말고, 그 이론에서 나오는 행동을 하라. 가령 잔치에서 어떻게 먹어야 하는지 말하지 말고, 마땅한 방식으로 먹어라. 소크라테스가 모든 면에서 과시하는 태도를 이토록 버렸다는 것을 기억하라. 사람들은 그에게 철학자를 소개해 달라며 찾아왔고, 그는 그들을 데려다주었다.

μηδαμοῦ σεαυτὸν εἴπῃς φιλόσοφον μηδὲ λάλει τὸ πολὺ ἐν ἰδιώταις περὶ τῶν θεωρημάτων, ἀλλὰ ποίει τὸ ἀπὸ τῶν θεωρημάτων· οἷον ἐν συμποσίῳ μὴ λέγε, πῶς δεῖ ἐσθίειν, ἀλλʼ ἔσθιε, ὡς δεῖ. μέμνησο γάρ, ὅτι οὕτως ἀφῃρήκει πανταχόθεν Σωκράτης τὸ ἐπιδεικτικόν, ὥστε ἤρχοντο πρὸς αὐτὸν βουλόμενοι φιλοσόφοις ὑπʼ αὐτοῦ συσταθῆναι, κἀκεῖνος ἀπῆγεν αὐτούς.

그는 자신이 주목받지 못하는 것을 그처럼 견뎠다. 철학을 배우지 않는 사람들 사이에서 어떤 이론에 관한 이야기가 나오면 대체로 침묵하라. 소화하지도 못한 것을 곧바로 토해 낼 위험이 크기 때문이다. 누군가 “너는 아무것도 모른다”고 말해도 네가 상처받지 않는다면, 그때 비로소 이 일을 시작하고 있다는 것을 알아라. 양도 풀을 목자에게 가져와 얼마나 먹었는지 보여 주지 않는다. 안에서 먹이를 소화한 뒤 밖으로 털과 젖을 내놓는다. 그러므로 너도 철학을 배우지 않는 사람들에게 이론을 보여 주지 말고, 그것을 소화한 뒤 나오는 행동을 보여 주어라.

οὕτως ἠνείχετο παρορώμενος. κἂν περὶ θεωρήματός τινος ἐν ἰδιώταις ἐμπίπτῃ λόγος, σιώπα τὸ πολύ· μέγας γὰρ ὁ κίνδυνος εὐθὺς ἐξεμέσαι, ὃ οὐκ ἔπεψας. καὶ ὅταν εἴπῃ σοί τις, ὅτι οὐδὲν οἶσθα, καὶ σὺ μὴ δηχθῇς, τότε ἴσθι, ὅτι ἄρχῃ τοῦ ἔργου. ἐπεὶ καὶ τὰ πρόβατα οὐ χόρτον φέροντα τοῖς ποιμέσιν ἐπιδεικνύει πόσον, ἔφαγεν, ἀλλὰ τὴν νομὴν ἔσω πέψαντα ἔρια ἔξω φέρει καὶ γάλα· καὶ σὺ τοίνυν μὴ τὰ θεωρήματα τοῖς ἰδιώταις ἐπιδείκνυε, ἀλλʼ ἀπʼ αὐτῶν πεφθέντων τὰ ἔργα.

몸의 생활을 검소하게 꾸려 가더라도 그것을 자랑하지 마라. 물만 마시더라도 기회가 있을 때마다 물을 마신다고 말하지 마라. 고통을 견디는 훈련을 하고 싶다면 자신을 위해 하고, 바깥 사람들에게 보이려고 하지 마라. 조각상을 껴안지 마라. 오히려 몹시 목마를 때 찬물을 한 모금 입에 머금었다가 뱉고, 아무에게도 말하지 마라.

ὅταν εὐτελῶς ἡρμοσμένος ᾖς κατὰ τὸ σῶμα, μὴ καλλωπίζου ἐπὶ τούτῳ μήδʼ, ἂν ὕδωρ πίνῃς, ἐκ πάσης ἀφορμῆς λέγε, ὅτι ὕδωρ πίνεις. κἂν ἀσκῆσαί ποτε πρὸς πόνον θέλῃς. σεαυτῷ καὶ μὴ τοῖς ἔξω· μὴ τοὺς ἀνδριάντας περιλάμβανε· ἀλλὰ διψῶν ποτε σφοδρῶς ἐπίσπασαι ψυχροῦ ὕδατος καὶ ἔκπτυσον καὶ μηδενὶ εἴπῃς.

철학을 배우지 않는 사람의 태도와 특징은 이렇다. 그는 자신에게서 유익이나 해가 오리라고는 결코 기대하지 않고, 바깥의 것들에서 오리라고 기대한다. 철학자의 태도와 특징은 이렇다. 그는 모든 유익과 해가 자신에게서 오리라고 기대한다.

ἰδιώτου στάσις καὶ χαρακτήρ· οὐδέποτε ἐξ ἑαυτοῦ προσδοκᾷ ὠφέλειαν ἢ βλάβην, ἀλλʼ ἀπὸ τῶν ἔξω. φιλοσόφου στάσις καὶ χαρακτήρ· πᾶσαν ὠφέλειαν καὶ βλάβην ἐξ ἑαυτοῦ προσδοκᾷ.

나아지고 있는 사람의 표시는 이렇다. 누구도 비난하거나 칭찬하거나 탓하거나 책망하지 않는다. 자신이 대단한 사람이거나 무엇을 아는 사람이라는 말을 하지 않는다. 무엇에 가로막히거나 방해받으면 자신을 책망한다. 누군가 칭찬하면 속으로 그 사람을 웃어넘기고, 비난하면 변명하지 않는다. 회복 중인 환자처럼 행동하며, 낫고 있는 부분이 단단해지기도 전에 움직이지 않도록 조심한다.

σημεῖα προκόπτοντος· οὐδένα ψέγει, οὐδένα ἐπαινεῖ, οὐδένα μέμφεται, οὐδενὶ ἐγκαλεῖ, οὐδὲν περὶ ἑαυτοῦ λέγει ὡς ὄντος τινὸς ἢ εἰδότος τι. ὅταν ἐμποδισθῇ τι ἢ κωλυθῇ, ἑαυτῷ ἐγκαλεῖ. κἄν τις αὐτὸν ἐπαινῇ, καταγελᾷ τοῦ ἐπαινοῦντος αὐτὸς παρʼ ἑαυτῷ· κἂν ψέγῃ, οὐκ ἀπολογεῖται. περίεισι δὲ καθάπερ οἱ ἄρρωστοι, εὐλαβούμενός τι κινῆσαι τῶν καθισταμένων, πρὶν πῆξιν λαβεῖν.

그는 모든 욕구를 자신에게서 거두었다. 피하려는 마음은 우리에게 달려 있는 것들 가운데 본성에 어긋나는 것에만 돌렸다. 모든 일에서 행하려는 충동을 힘 빼고 사용한다. 어리석거나 무지해 보여도 개의치 않는다. 한마디로, 자신을 적이며 음모를 꾸미는 자인 것처럼 경계한다.

ὄρεξιν ἅπασαν ἦρκεν ἐξ ἑαυτοῦ· τὴν δʼ ἔκκλισιν εἰς μόνα τὰ παρὰ φύσιν τῶν ἐφʼ ἡμῖν μετατέθεικεν. ὁρμῇ πρὸς ἅπαντα ἀνειμένῃ χρῆται. ἂν ἠλίθιος ἢ ἀμαθὴς δοκῇ, οὐ πεφρόντικεν. ἐνί τε λόγῳ, ὡς ἐχθρὸν ἑαυτὸν παραφυλάσσει καὶ ἐπίβουλον.

누군가 크뤼시포스의 책을 이해하고 해설할 수 있다고 뽐내면 스스로에게 말하라. “크뤼시포스가 모호하게 쓰지 않았다면, 이 사람은 뽐낼 것이 없었을 것이다.” 나는 무엇을 원하는가? 자연을 배우고 자연을 따르는 것이다. 그러므로 누가 자연을 설명하는지 찾는다. 크뤼시포스라는 말을 듣고 그에게 간다. 그러나 쓰인 내용을 이해하지 못한다. 그래서 해설해 줄 사람을 찾는다. 여기까지는 아직 자랑할 것이 아무것도 없다. 해설해 주는 사람을 찾은 뒤에는 가르침을 실천하는 일이 남는다. 이것만이 자랑할 만하다. 해설하는 일 자체에 감탄한다면, 나는 철학자가 아니라 문헌 해설자가 된 셈이다. 호메로스 대신 크뤼시포스를 해설한다는 점만 다를 뿐이다. 그러므로 누군가 “크뤼시포스를 읽고 설명해 다오”라고 말할 때, 그 말과 같고 그 말에 어울리는 행동을 보여 줄 수 없다면, 나는 오히려 얼굴을 붉힌다.

ὅταν τις ἐπὶ τῷ νοεῖν καὶ ἐξηγεῖσθαι δύνασθαι τὰ Χρυσίππου βιβλία σεμνύνηται, λέγε αὐτὸς πρὸς ἑαυτὸν ὅτι εἰ μὴ Χρύσιππος ἀσαφῶς ἐγεγράφει, οὐδὲν ἂν εἶχεν οὗτος, ἐφʼ ᾧ ἐσεμνύνετο. ἐγὼ δὲ τί βούλομαι; καταμαθεῖν τὴν φύσιν καὶ ταύτῃ ἕπεσθαι. ζητῶ οὖν, τίς ἐστιν ὁ ἐξηγούμενος· καὶ ἀκούσας, ὅτι Χρύσιππος, ἔρχομαι πρὸς αὐτόν. ἀλλʼ οὐ νοῶ τὰ γεγραμμένα· ζητῶ οὖν τὸν ἐξηγούμενον. καὶ μέχρι τούτων οὔπω σεμνὸν οὐδέν. ὅταν δὲ εὕρω τὸν ἐξηγούμενον, ἀπολείπεται χρῆσθαι τοῖς παρηγγελμένοις· τοῦτο αὐτὸ μόνον σεμνόν ἐστιν. ἂν δὲ αὐτὸ τοῦτο τὸ ἐξηγεῖσθαι θαυμάσω, τί ἄλλο ἢ γραμματικὸς ἀπετελέσθην ἀντὶ φιλοσόφου; πλήν γε δὴ ὅτι ἀντὶ Ὁμήρου Χρύσιππον ἐξηγούμενος. μᾶλλον οὖν, ὅταν τις εἴπῃ μοι ἐπανάγνωθί μοι Χρύσιππον, ἐρυθριῶ, ὅταν μὴ δύνωμαι ὅμοια τὰ ἔργα καὶ σύμφωνα ἐπιδεικνύειν τοῖς λόγοις.

제시된 원칙들을 법처럼 지켜라. 어기면 불경을 저지르게 되는 법이라고 생각하라. 누가 너에 대해 무슨 말을 하든 신경 쓰지 마라. 그것은 더 이상 네게 속한 일이 아니다.

ὅσα προτίθεται, τούτοις ὡς νόμοις, ὡς ἀσεβήσων, ἂν παραβῇς, ἔμμενε. ὅ τι δʼ ἂν ἐρῇ τις περὶ σοῦ, μὴ ἐπιστρέφου· τοῦτο γὰρ οὐκ ἔτʼ ἔστι σόν.

언제까지 자신이 가장 좋은 것을 누릴 자격이 있다고 여기고, 분별하는 이성의 원칙을 어떤 일에서도 어기지 않는 일을 미룰 것인가? 네가 익혀야 할 이론들은 이미 받았고, 그것들을 익혔다. 그러면 아직도 어떤 스승을 기다리며, 그가 올 때까지 자신을 바로잡는 일을 미루는가? 너는 이제 소년이 아니라 다 자란 성인이다. 지금 소홀히 하고 게으름을 피우며, 결심을 거듭 미루고 자신에게 주의를 기울이기 시작할 날을 계속 뒤로 정하면, 나아지지 못한 채 스스로도 모르게 철학을 배우지 않은 사람으로 살다가 죽을 것이다.

εἰς ποῖον ἔτι χρόνον ἀναβάλλῃ τὸ τῶν βελτίστων ἀξιοῦν σεαυτὸν καὶ ἐν μηδενὶ παραβαίνειν τὸν διαιροῦντα λόγον; παρείληφας τὰ θεωρήματα, οἷς ἔδει σε συμβάλλειν, καὶ συμβέβληκας. ποῖον οὖν ἔτι διδάσκαλον προσδοκᾷς, ἵνα εἰς ἐκεῖνον ὑπερθῇ τὴν ἐπανόρθωσιν ποιῆσαι τὴν σεαυτοῦ; οὐκ ἔτι εἶ μειράκιον, ἀλλὰ ἀνὴρ ἤδη τέλειος. ἂν νῦν ἀμελήσῃς καὶ ῥᾳθυμήσῃς καὶ ἀεὶ προθέσεις ἐκ προθέσεως ποιῇ καὶ ἡμέρας ἄλλας ἐπʼ ἄλλαις ὁρίζῃς, μεθʼ ἃς προσέξεις σεαυτῷ, λήσεις σεαυτὸν οὐ προκόψας, ἀλλʼ ἰδιώτης διατελέσεις καὶ ζῶν καὶ ἀποθνῄσκων.

그러므로 지금부터 성숙하고 나아지는 사람으로 살 자격이 자신에게 있다고 여겨라. 가장 좋다고 판단한 모든 것이 네게 어길 수 없는 법이 되게 하라. 고통스럽거나 즐겁거나 명예롭거나 불명예스러운 일이 닥치면 기억하라. 경기는 지금 벌어지고 있고, 올림피아 경기는 이미 시작되었으며, 더는 미룰 수 없다. 단 하루와 한 번의 행동으로도 진보를 잃거나 지킬 수 있다.

ἤδη οὖν ἀξίωσον σεαυτὸν βιοῦν ὡς τέλειον καὶ προκόπτοντα· καὶ πᾶν τὸ βέλτιστον φαινόμενον ἔστω σοι νόμος ἀπαράβατος. κἂν ἐπίπονόν τι ἢ ἡδὺ ἢ ἔνδοξον ἢ ἄδοξον προσάγηται, μέμνησο, ὅτι νῦν ὁ ἀγὼν καὶ ἤδη πάρεστι τὰ Ὀλύμπια καὶ οὐκ ἔστιν ἀναβάλλεσθαι οὐκέτι καὶ ὅτι παρὰ μίαν ἡμέραν καὶ ἓν πρᾶγμα καὶ ἀπόλλυται προκοπὴ καὶ σῴζεται.

소크라테스는 닥쳐오는 모든 일에서 이성 외에는 아무것에도 마음을 두지 않음으로써 그런 사람이 되었다. 네가 아직 소크라테스가 아니더라도 소크라테스가 되기를 원하는 사람으로 살아야 한다.

Σωκράτης οὕτως ἀπετελέσθη, ἐπὶ πάντων τῶν προσαγομένων αὐτῷ μηδενὶ ἄλλῳ προσέχων ἢ τῷ λόγῳ. σὺ δὲ εἰ καὶ μήπω εἶ Σωκράτης, ὡς Σωκράτης γε εἶναι βουλόμενος ὀφείλεις βιοῦν.

철학에서 첫째이며 가장 필요한 분야는 이론을 실천하는 것이다. 가령 거짓말하지 않는 일이다. 둘째는 증명에 관한 것이다. 가령 거짓말해서는 안 된다는 것을 어떻게 증명하는가 하는 문제다. 셋째는 증명 자체를 확립하고 분석하는 것이다. 가령 이것이 증명이라는 것을 어떻게 아는가 하는 문제다. 증명이란 무엇인가? 논리적 귀결과 모순은 무엇인가? 참과 거짓은 무엇인가?

ὁ πρῶτος καὶ ἀναγκαιότατος τόπος ἐστὶν ἐν φιλοσοφίᾳ ὁ τῆς χρήσεως τῶν θεωρημάτων, οἷον τὸ μὴ ψεύδεσθαι· ὁ δεύτερος ὁ τῶν ἀποδείξεων, οἷον πόθεν ὅτι οὐ δεῖ ψεύδεσθαι· τρίτος ὁ αὐτῶν τούτων βεβαιωτικὸς καὶ διαρθρωτικός, οἷον πόθεν ὅτι τοῦτο ἀπόδειξις; τί γάρ ἐστιν ἀπόδειξις, τί ἀκολουθία, τί μάχη, τί ἀληθές, τί ψεῦδος;

그러므로 셋째 분야는 둘째 때문에 필요하고, 둘째는 첫째 때문에 필요하다. 가장 필요하며 우리가 머물러야 할 곳은 첫째 분야다. 그런데 우리는 거꾸로 한다. 셋째 분야에 시간을 보내고, 모든 열의를 거기에 쏟는다. 첫째 분야는 완전히 소홀히 한다. 그래서 우리는 거짓말하면서도, 거짓말해서는 안 된다는 것을 증명하는 방법은 언제든 말할 준비가 되어 있다.

οὐκοῦν ὁ μὲν τρίτος τόπος ἀναγκαῖος διὰ τὸν δεύτερον, ὁ δὲ δεύτερος διὰ τὸν πρῶτον· ὁ δὲ ἀναγκαιότατος καὶ ὅπου ἀναπαύεσθαι δεῖ, ὁ πρῶτος. ἡμεῖς δὲ ἔμπαλιν ποιοῦμεν· ἐν γὰρ τῷ τρίτῳ τόπῳ διατρίβομεν καὶ περὶ ἐκεῖνόν ἐστιν ἡμῖν ἡ πᾶσα σπουδή· τοῦ δὲ πρώτου παντελῶς ἀμελοῦμεν. τοιγαροῦν ψευδόμεθα μέν, πῶς δὲ ἀποδείκνυται ὅτι οὐ δεῖ ψεύδεσθαι, πρόχειρον ἔχομεν.

모든 일에서 다음 말들을 마음에 준비해 두어야 한다. “제우스여, 그리고 운명이여, 나를 위해 정해 두신 곳이 어디든 나를 이끄소서. 나는 주저하지 않고 따르리이다. 원하지 않아 비겁해지더라도, 나는 어김없이 따르게 되리이다.”

ἐπὶ παντὸς πρόχειρα ἑκτέον ταῦτα· ἄγου δέ μʼ, ὦ Ζεῦ, καὶ σύ γʼ ἡ Πεπρωμένη, ὅποι ποθʼ ὑμῖν εἰμι διατεταγμένος· ὡς ἕψομαί γʼ ἄοκνος· ἢν δέ γε μὴ θέλω, κακὸς γενόμενος, οὐδὲν ἧττον ἕψομαι.

“필연을 훌륭하게 받아들인 사람은 우리가 보기에 지혜로우며 신들의 일을 아는 사람이다.”

ὅστις δʼ ἀνάγκῃ συγκεχώρηκεν καλῶς, σοφὸς παρʼ ἡμῖν, καὶ τὰ θεῖʼ ἐπίσταται.

“그러나 크리톤이여, 신들이 이렇게 되기를 좋아하신다면, 그렇게 되게 하세.”

ἀλλʼ, ὦ Κρίτων, εἰ ταύτῃ τοῖς θεοῖς φίλον, ταύτῃ γενέσθω.

“아뉘토스와 멜레토스는 나를 죽일 수는 있지만, 해칠 수는 없다.”

ἐμὲ δὲ Ἄνυτος καὶ Μέλιτος ἀποκτεῖναι μὲν δύνανται, βλάψαι δὲ οὔ.